—¡Kas kala lakay! Ala, inka, inka sapulen ni inam, inka ited ti aginaldo . . . ni Apo Mugna, a kunam; no naammuak kuma ti nagan ti ilim idi, napanak kuma idi masakitka. Ala. inka, ngarod, anakko, ni Apo Mugna ken ni Apo Jesús isuda ti mangkuyog kenka. Ni apukok a Lucía kuyugennakanto inggana iti dayta masungad a ili.
—¿Apay? inkan--sinaludsod daydi ubing a lalaki. —Sadiay baba, addada sosoldado, ado unay ti birkog. ¿Dika kayat a kitaen dagiti rebentadorko? ¡Pum purumpum!
—¿Dika kayat ti makilinnemmengan? —sinaludsod met daydi ubing a babai; ?napadasamon ti naglemmeng naminsan? ¿Pudno nga awan kasayaátan ngem ti inda kamaten, sa aglemmeng?
Ni Basilio immisem; innalana ti sarukodna ket kinunana a nakalua dagiti matmatana:
—Agsubliakto daras; ikuyugkunto tay adik, makitayunto ket kaay-ayamyunto; kadakdakkelmo.
—Agpilpilay met a magna? —sinaludsod daydi babai; —no kasta, pagbalinenminto nga in-ina iti piko-piko.
—Dina kam liplipatan,— kinuna daydi lakay; —alaem daytoy pindáng nga alingo ta itedmunto ken inám.
Dagidi ububbing kinuyugda inggana iti talaytayan a kawayan a naikabil iti rabaw ti karayan a napcgges ti ayosna. Kinibin ni Lucía, ket idi kuan, saan ida a nakitan dagidi ububbing.
Ni Basilio nakarting ti pagnana, nupay kasdi a sibabaredbed ti sakana.
Ti Amian sumagawisiw, ket dagiti agindeg sadi San Diego mamigergerda iti lammín.
Nochebuena, nupay kasta, ti ili sililiday. Uray la kuman mavsa a paro! a papel ti adda a naibitin kadagiti tawtawa, awan ringgor kadagiti balbalay a mangipakdaár iti ragsak a kas kadagiti sabsabali a tawtawen.
Iti entresuelo ti balay ni Kapitan Basilio, addada nga agsarsarita iti abay ti maysa a tawa, ti Kapitan ken ni don Filipo (ti
