a naispal, uray la kuman dagiti pagpagbasaan ni Cicerón...
ti gobernadarsilio awan inaramidna a pinangtiped.
Isuda a dua nagulimekda.
Iti daydi a kanito, nangngeg ti naliday ken naladingit a daniw ti agmauyong.
—?Ammom no kaano ti panagasawa ni María Clara? — sinaludsod ni lday ken Sináng.
—Diak ammo, —insungbat toy; —adda inawatko a surat- na, ngem diak kayat a lukatan, iti butengko a makaámmo. ¡Asi pay ni Crisóstomo!
—Kunada a no saan a gapo ken Linares, binitayda ni Ka pitan Tiágo ¿ania, ngad, kuma ti aramiden ni María Clara? —kinuna ni Victoria.
Maysa nga ubing ti limmabas nga agpilpilay; agtartaray, nga agturong iti plasa, a paggapuan ti daniw ni Sisa. Iso ni Basi- silio. Daydi ubing nasarakanna ti balayda a nabaybay-an ket marmarban: ka!pasan dagiti ado a panagsalsaludsod, isuna la a na-ammuanna a ni inana, agmauyong, ket adda nga agwa- langwalang iti ili: no maipanggep ken Crispín, awan nakai- baga kenkuana iti uray la no maysa a sao.
Ni Basilio tinilmunna dagiti luluana, linemmesna ti ladi- ngitna ket inna sinapol ni inana a di payen naginana. Dim- teng iti ili, inna sinalsaludsod, ket daydi daniw sinugatna dagiti laplapayagna. Daydi awanan gasat pinedpedna ti pigerger dagi ti saksakana ket kinayatna ti nagtaray a napan pa-arakop ken inana.
Daydi agmauyong pinanawanna ti plasa ket napan iti sa- ngo ti balay ti baro nga alperes. Ita, a kas met la idi, adda maysa nga agbantay a soldado iti ruangan, ket adda met maysa nga ulo ti babai a sitatamdag iti tawa, ngem saanen a daydi Medusa, maysa a balasitang pay laeng; ti sao nga alperes ken ti sao a daksanggasat saanda nga agpadpada.
Ni Sisa, inrugina ti nagdaniw iti sangwanan ti balay, a si- kikita iti bulan, nga adda nga agin-indayon a kasta unay lib- nosna iti balbag a langit iti baet dagiti ul-ulep a kasla balitok. Makitkita ni Basilio, ngem dina maitured ni inana; ti umasideg, ket ur-urayenna ngata piman a pumanaw sadiay; agpagnapagna iti bangir ken bangir ti lansangan, ngem likliklikanna ti umasi- deg iti kuartel.
— 496 —
