kayo ken sangsanga. Iso daydi ti nalmeng a bakir a kukua
dagiti nagan-annak ken Ibarra.
Daydi ubing namin-ado a naitigtigkol ken naitektekleb, ngem bumangon, dina marikna ti sakit: amin ti kararuana adda kadagiti matmatana, a sursurutenda daydi ay-ayatenna a langa.
Linasatda ti waig a nakasamsam-it ti anasaas ti ayosna; dagiti sisir dagiti kawkawayan, a natintinnag iti pitak iti igid, maipurpurisda kadagiti silalamulamo a saksakana: Ni Basilio saan nga agsardengen a mangikkat kadakuada.
Iti napalalo a siddaawna, nakitana ni inana a nagturong iti kasamekan ket simbrek iti daydi ruangan a kayo. a rikep ti tanem daydi lakay a kastila, iti puon daydi baliti.
Ni Basilio kinayatna met ti simbrek, ngem ti ruangan nagrikep. Ti agmauyong inna idurduron ti rikep ti ruangan ka dagiti nakatultulang a taktakiagna ken iti ulona a nakuso-kuso dagiti bubuokna, nga inpakatna amin a pigsana. tapnon matengngelna a siririkep.
—¡Ina, siak, siak, siak ni Basilio nga anakyo! —inpukkaw daydi ubing a napaksuyanen ket naidasay.
Ngem, ti agmauyong saanna a pinaluklukan; insekkadna iti daga dagiti saksakana ket kasta unay a pigsana a mangidurduron iti rikep ti ruangan.
Ni Basilio dinanugdanugna ti ruangan, pasaray ti ulona ti imaluna, ti ulona a nadigos iti dara, nagsangit, ngem nagban bannog laeng. Timmakder, a kasta unay rigatna, kinitana ti kabiti nga alad, ta kayatna a kalay-aten, ngem awan met makitana a mabalinna a pagbatayan. Idi ta kasta, linawlawna, ket nakakita iti maysa a sanga daydi nakabutbuteng a baliti a naisanggala iti sanga ti sabali a kayo. Kimmalay-at: ti ayatna nga innak agpataod man iti nakaskasdaaw, ket nagalla-allatiw ka dagiti sangsanga inggana iti di nakapan iti daydi baliti, ket nakitana ni inana nga idurdurunna pay laeng iti ulona ti ri kep ti ruangan.
Ti rippi-is dagiti sangsanga nadlaw ni Sisa; timmaliaw ket kinayatna ti timmaray, ngem ti anakna, a nagtinnag iti daydi kayo, inna intipungol ket inna pinunno iti agek, idi kuan, napaksuyan ket napukawna ti riknana.
