no di ti inna pannakaulila. ¿Ammo kadi? Nalabit, iti balay ni
naulimek a Padre Salvi, aggaáyam dagiti ububbing, nalabit a
idandaniwda:
- Ti Nochebuena umay,
- Ti Nochebuena pumanaw
Daydi ubing nagsangit ket nagsaibbek iti nakana, ket idi inna intangad ti ulona, adda nakitana a maysa a lalaki iti sangona, iso a mangpalpaliiw kenkuana a siuulimck. Daydi saan nga am-ammo a tao sinaludsudna kenkuana a siinayad:
—¿Sika ti anakna?
Daydi ubing intangedna ti ulona.
—¿Ania ti rantam nga aramiden?
—¡Itabon!
—¿Iti kampo santo?
—Awan kuartak, maysa pay, saan ngata nga ipalubos ti kura.
—¿No kasta, ngarod. . . ?
—No kuman kayatdak a tulungan...
—Nakapuyak unay,—insungbat daydi saan nga am-ammo a tao, a nangin-inot a naidasay iti daga, nga inna insarapa dagiti dua nga im-imana; —si-susugatak... dua nga aldawen a diak makapangpangan ken makaturturog. ¿Awan immay ditoy ita a rabii?
—Daydi tao sipapanunot a nangkitkita iti makaited gagar a langa ti ubing.
—¡Denggem! —intuluyna ti nagsao, a timekna ti adadda manen a kimmapoy; —matayakto met ngatan kasangwanan ti idadateng ti bigat. . . Iti kanikadua pulo nga aksaw manipod ditoy, iti baliw ti waig ado ti kayo a sibubunton, inka ida alaen, buntunem ida ditoy, ikabilmunto dagiti bangbangkaymi iti rabaw, inkanto ida abbungan, sa kanto arunan, parangrangem a nalaing inggana iti agbalinkam a dapo . . .
Ni Basilio sititimod.
—Itinto kalpasanna, no awanto ti sabali nga umayen . . . agkalikanto ditoy, adunto ti masarakam a balitok . . . ket kukuamto ida amin. ¡Agadalka!
Ti timek daydi saan nga am-ammo a tao umadadda a
saan a maawatan.
