—Inka alaen dagitay kaykayo... kayatka a tulungan.
Ni Basilio immadayo. Daydi saan nga am-ammo a tao intaliawna ti rupana sadi Dayá ket indayamudumna a kasla naglualo:
—¡Matayak a diak man makita ti bannawag nga agraniag iti daga a nakayanakak...! ¡dakay a makakita, inkay ala kablawan. diyo liplipatan dagiti naidasay iti bayat ti rabii!
Intangadna dagiti matmatana sadi langit; dagiti bibbibigna naggarawda a kasla adda inda tinanimitim a kararag, idi kuan, intamedna ti ulona ket naidasay a nain-inot iti daga.
Kalpsan ti dua nga uras, ni ermana Rufa napan iti bansag ti balayda nga agidamros, kas aramidna iti kanayon a bigat no mapan makimisa. Daydi mananglualo a babai timmaliaw iti asideg a kabakiran ket nakitana nga adda napuskol nga asok nga agpangpangato; pinagkuribetbetna dagiti kidkidayna, ket iti nasantuan a pungtotna, kinunana:
—¿Asino ngata daydiay ereje nga agkaingin iti aldaw ti piesta Iso ti gapona nga ado ti dakes a dumdumteng! ¡Pa- dasem ti mapan sadi Purgatorio, ket kitaem no aunenka sadiay,
salbaje!
