nen agyan sadi Malabon wenno San Diego, ta manipod idin,
iso kayatnan ti agmaymaysa nga agbibiag. Nagsugal iti liampo
ken pallot iti nalabes unay, ket nangrugi metten a nagsusop
iti apian. Saanen a mapan sadi Antipolo ket saan metten nga
agpapaimisa; ni Dunia Patrocinio, daydi baket kasinsinnallinna, rinagsakna unay a si-singpet ti panagballigina, ket agurok
metten no manarimaán ti sermon. No iti maminsan, no daytay mumalemen, ta inkay lumabas iti lansangan a managan
Santo Cristo, inkayto makita a nakatugaw iti paglakuan ti maysa nga insik ti maysa a lalaki a bassit, nakusnig, nakuttong,
kubbo, dagiti matmatana, nailesseb ket makasugsugelda, dagiti bibbibig ken kukkukona nakarugrugitda, iso a kumikitkita
kadagiti tattan a kasla dina ida makita. No rumabiin, inkayto makita a tumakder, a si-ririgat, ket si-sasadag iti sarukudna,
mapanto agturong iti maysa a nailet a dalan, sumbrek iti maysa
a bassit a balay a narugit, a iti ngatuen ti ruanganna adda a
mabasa dagitoy sumaruno a sasáo a naisurat iti dadakkel a letra
a nalabaga: FUMADERO PUBLICO DE ANFION. (Pagsusupan ti sapasap iti Apian). Iso daytoy daydi Kapitan Tiago a
kasta unay
ti panagdinamagna idi; ita, naminpinsanen a nalipatan, pati pay ti sakristan mayor dina malagipen.
Ni dunia Victorina inna innayon iti napakulot a pudona ken iti panamagbalinna iti panagsaóna a kasla taga Andalucía, no maipalubos a kasta ti sawenmi, ti baro a kadawyanna nga iso ti mangiggem iti rienda dagiti kabkabayo nga agguyod iti luganda, ket pilitenna ni Don Tiburcio a saan nga aggargaraw. Gapo ta iti kinakapoy dagiti matmatana, ado ti dakes a maár-aramid, ita agantiuhusen iti maisigpit iti agóng, iso a mangted kenkuana iti agdinamag a langana. Ti doktor awanen sabali a nangayab kenkuana a pinaágasan; dagiti babaunen da mamin-ado nga inda makitkita nga awan ngipenna iti bayat ti maysa a lawas iso a dakes unay ti ipakdaarna, kas ammon dagiti mangbasbasa kadakami.
Ni Linares, kakaisuna a mangisaksakit itoy awanan gasat, nabayagen nga agin-inana idiay Pako, ta pinatay ti sakit a siká ken ti pay dakes a namapaayan kenkuana ni ipagna.
Daydi nagballigi nga alperes napan sadi Espania, "teniente
con grado de comandante", ti saadna, ket pinanawanna ti na-
