ayat nga asawana iti uneg ti badona a pranela, a kitana ti
saanen a masao. Ni nakakaasi nga Ariadna, idi ta nabaybayanen, tinuladna metten daydi anak ni Minos, ket awan sabali
nga aramidnan no di ti agkararag kada Bakó ken Tabakó,
ket aginom ken agtabakon a kasta unay, ket saan laengen a dagiti babbalasang ti mangkabuteng kenkuana, no di pay ket dagiti babbaket ken ububbing.
Nalabit, addada pay la a biag dagiti am-ammo tayo a taga San Diego, no kas dida natay idi bimtak ti bapor "Lipa", a mapmapan idi sadiay a pangukuman. Agsipod ta awan ti nagpalutpot no asinnoda dagidi daksanggasat a natay iti daydi a napasamak, no asinno ti akinluppo ken akintakkiag kadagidi naipurpuruak iti Puro "Convalecencia" ken iti igid ti karayan, dimi ammo no nairaman kadakuada ti maysa kadagiti am ammo dagiti agbasbasa. Siraragsakkamin, a kas ti Turay ken dagiti pagpagiwarnak idi, a nakaámmo a daydi kakaisuna a praile a naglugan iti daydi sasakayan, naispal, ket awan sabali a dawatenmin. Ti nangruna kadakami, iso ti biag dagiti nasingpet a papadi, a ti panagturayda sadi Pilipinas itaginayon kuma ni Apo Mugna iti pagimbagan dagiti karkararua.1
No maipanggep ken María Clara, awanen sabali a damag, no di ti kasla panangsalimetmeten kenkuana ti tanem. Sinaludsudmi kadagiti ado a tattao no adda mabalbalinda iti santo a konbento ti Santa Clara, ngem awan nayat a nangibaga kadakami iti uray la no maysa a tao, uray pay dagiti tarabitab a mananglualo, nga umaw-awat iti agdindinamag a pritada, a dalem ti manok, ken ti sarsa nga adadda manen nga agdindinamag, a managan iti “sarsa dagiti momonja", nga aramiden ti nasaririt a kosinera dagiti Bibirjen ti Apo.
Nupay kasta;
Naminsan a rabii iti bulan ti Septiernbre, a kasta unay pigsa ti bagyo ket inna man ablatan kadagiti naindaklan a paypayakna dagiti balbalay sadi Manila; no manen gumluóng ti gurruod; dagiti kimkimat ken salsal-it no manen inda lawagan dagiti dinaddadael ti bagyo ket inda pagbutngen iti napalalo dagiti agindeg. Ti tudo kas la agibuybuyat. Iti lawag ti kimat wenno ti sal-it nga agkikiet a kasla uleg, adda makita
________________
(1) 2 ti Enero, 1883. (Panglawag ni Rizal)
