a nalekkab a nayon ti atep, wenno rikep ti tawa a maipalpallatok iti tangatang, sa matnaga kasta unay danarudorna;
awan aglasat kadagiti lanlansangan a uray la no maysa a
lugan wenno taó. No ti nabangeg a uni ti gurruod, a maminggasot a umaweng, agpukawen iti adayo, iso tay mangngeg nga
agununnoy ti angin a mamagal-alikuno iti tudo, a pataudenna ti
maulit-ulit a trakatak no agdisso kadagiti kulkulintipay a siririkep
a tawtawa.
Dua a guardia civil dagiti simmalinóng iti maysa a patta a ba lay iti asideg ti konbento: maysa a soldado ken maysa a "distingido".
—Ania ti kuenta ditoy?— kinuna daydi maysa a soldado; awan agdaliasat kadagiti lanlansangan. . . inta ket di iti maysa a balay; ti babaik ket agyan iti lansangan nga Arsobispo.
—Manipod ditoy inggana sadiay, napipis ti kaadayona ket masleptanto —insungbat ti "distingido".
—¿Maán-ano, no dina ta la ket patayen ti sal-it?
—¡Ni Dika madanagan; dagiti momonja nalabit adda pagalada iti sal-it.
—Wen! —kuna daydi soldado, ngem, ania ti pagpapaáyanna no kasta unay nagsipnget ti rabii? Ket intangadna dagiti matmatana sadi ngato, ta kimmita iti sipnget; iti daydi a kanito rimmaniag a nagsasaganad dagiti kimkimat nga agkikinnamat, sa simmaruno ti gurru-od a nakaám-amak.
-¡Apo! ¡Susmariusep! —kinuna daydi soldado a nagugis. ket ginuyudna ti kaduana —¡intan, pumanawta ditoy!
-¿Ania ti makuam?
—¡Intan, pumanawta ditoy! —inulitna, a nagpanirpir dagiti ngipngipenna iti buteng.
—¿Ania ti nakitam?
—¡Maysa nga araria!—indayamudumna a mamigpigerger.
—¡Maysa nga araria?
—¡Idiay rabaw ti atep. . . iso ngata daytay monja nga agum-ummong ti beggang iti bayat ti rabii! mita.
Daydi "distingido" inrurarna ti ulona ket kinayatna ti kim-
