sakbay ti maysa a gubat, babaen ti inda pammakan kadagiti sagrado a pipiek, ni Kapitan Tiago makiuman met, nupay sabali ti
pamayan nan, a ta sabali met dagiti al-aldawen ket kasta met a
sabali dagiti patpatienen. Iso inna palpaliiwen ti segged dagiti kankandela, ti asok ti incienso, ti timek ti padi, kdmpy., ket iti pagdadagupanda iso ti inna pangpatangan iti masakbayan a gasatna. Adda pammati a ni Kapitan Tiago manmano no maabak,
ket no maabak, nalabit ngata a ti gapona, iso ti panagpaparaw ti
padi a nagmisa, wenno gapo ta bassit ti silaw, wenno ado unay
ti sebo a laok dagiti kankandela, wenno adda nailaok a tulis a
kuarta kadagiti naibayad, kdmpy,: ti Celador a mangur-urnos iti
maysa kopradia ipatalgedna kenkuana a dagidi a mapagpagtengna a dakes a gasat, maysa da a pangpadas a ibaon ti langit
tapno mapapigsa ti pammati ken panagdebosionna. Ay-ayaten
dagiti kukura, daydayawen dagiti sakristan, dungdungwen dagiti
i-insik nga agar-aramid iti kandela ken dagiti pay met agararamid iti kuitis wenno kastiliero, toy a tao, nagasat iti relijion
ditoy daga, ket dagiti tattao nga addaan galad ken naindaklan a
kinasingpet kunada pay a dakkel ti kabaelanna iti pagarian sadi
langit.
Nga adda a sikakappia iti Turay, saan a pagduaduaan, nupay kas la narigat dayta a magun-od. Ngamin ta awanan iti kabaelan a mangyusuat iti baro a panunot, ket si-aayat metten iti agdama a panagbiagna, kanayon a si-sasagana a mangtungpal iti kayat ti maudi nga opisial kinto kadagiti amin a op-opisina, kasta met a si-sasagana a mangiregalo iti jamon, kapon, pab6, bungbunga nga aggapo sadi China iti uray ania nga aldaw ti tawen. No mangngeg na a dakes ti panarsaritaanda kadagiti nayanak sadi Pili pinas, iso, a dina ibilang ti bagina a taga sadiay, makiraman met, ket dakdakes pay ti saona; no adda saoda a dakes maipapan kadagiti memestiso ti sanglay wenno kastila, makipaguyaw met, nalabit gapo ta ipagarupna nga iso, napudpudno unay a kas tila a nayanak sadi Espania. Iso ti umuna a mangidayaw ka dagiti bubuis a maipatay, nangruna no adda maangutna a maysa a ontrata wenno arriendo a sumaruno. Kanayon nga adda sisacagana nga orkestana nga inna pangkablaaw ken pangtapat iti amin a kita ti gobernador, alkalde, piskal, kdmpy., no agkanagananda, wenno aldaw ti kasangay, pannakayanak wenno ipapatay si maysa a kabagyan da wenno uray ania laeng a maaramid a -41 -
