VI1
LAILO NI AYAT ITI MAYSA
a
BANSAG
Iti daydi a bigat, nasapada a napan nakimisa da ikit Isabel ken Maria Clara; toy nataraki unay ti aruatna, ket adda naiputipot iti imana a kuentas a balbag a kas payen maysa a brasalete; ket ni ikit Isabel nagantiukos tapno mabasana ti “Angora de Salbasion,” iti bayat ti Santo Sal^rifisio.
Apaman la a nakapanaw ti padi iti altar, ti balasang inpadlawna ti gagarna nga agawiden, a kasta unay a siddaaw ken luksaw daydi naimbag a ikitna, iso a nangipagarop a ti kaanakanna, nasingpet ket managlualo, uray kas la kuma maysa a monja. Daydi naimbag a baket timmakder nga agdaydayamudom ken kuros a kuros. “jNi! makaammunto ti naimbag a Dios a mamakawan kaniak, iso nga am-ammuna ngem dakayo, ikit Isabel, ti panagpuspuso dagiti babbalasang,” nganngani la kinuna ni Maria Clara a pangguped kadagidi naiget ngem nainaan met a pammagbagana Ita, nakapamigatdan, ket ni Maria Clara agar-aramid iti may sa a sakibot a supla (seda) a pangiliwliwaganna iti seggana, ket ni met ikit na innalana ti saplid, ta kayatna a punasen dagiti tantanda ti kalkalpas a daya. Ni Kapitan Tiago addada pappapel nga am-amirisen ken kitakitaenna. Tunggal danarudor nga aggapo iti lansangan, tunggal lugan a lumabas inda pagtibbaywen ti barukong ti balasang ket inda pagpigergeren. jA! ita kayatna man ti mapan agyanen iti natalna a Beaterio, iti yan dagiti gagayyemna! Sadiay, mabalinna a kitaen ni ... a di ket agpigerger, a di agan-ano! Ngem, ddi met iso aya daydi gayyem mo idi ubing ka pay, dikay met aya agay-ayam idi a duddudua kadagiti ina-ang-ang nga ay-ayam, ket pasaray pay inkay agapa, no kua? Ti gapo dagitoy a banbanag, diak ibuksilan; no sika a mangbasbasa kaniak nagayatka, inkanto maawatan, ket no saan, banbannog a ibagak kenka; -48 -
