naikawes iti bagi ken iti kararua, inna isawang ti gupit ni ragsak
a idaniw ti kararua. Awan maisungbat a sao iti maysa a saludsod ni ayat a isawang ti mata a rumaniag wenno malingdan: da
isem, agek wenno unnoy isuda ti sumungbat.
Ket idi kuan, idi ta dagidi dua nga agayan-ayat inda inadaywan ti saplid ni ikit Isabel, a kasta unay ti tapok a inna patayaben, ket napanda iti bansag tapno inda agsarsarita a siwawaya, iti nagbabaetan dagiti pagkalkalatkatan dagiti mulmula.
dania da dagiti sinarsarita da a sidadayamudom, ta nagpigergerkay man, dakay, babassit ken nalabbasit a sabsabong ti ebelio-deanjel? Saritaenyo man, dakayo, a nabanglo ti sang-aw yo ket nabuya dagiti bibbibigyo; sika, pul-oy a nagadal iti di marmarna
nga aweng iti ka-ulimkan ti maysa a rabii a nasipnget ken iti yuyeng dagiti di pay natulawan a bakbakir; saritaenyo man, dakay,
sinsinamar ti init, dakay a mangipaduyakyak a siraraniag ditoy
daga iti agnanayon, dakayo a kakaisuna nga awanan bagi ditoy lubong da bin-ig a bagi, saritaenyo man, ta siak isuna la nga ammok ti manarita kadagiti parparawpaw a banbanag.
Ngem. tangay dikay kayat nga aramiden, innak ngad padasen.
Ti langit, balbag; pul-oy a nalami-is, a di met ngad nabanglo. ti managkutikuti kadagiti bulbulong ken sabsabong dagiti mul mula a kumalkalatkat — iso ti gapona a mamigerger dagidi abelio-de-anjel, — dagidi mulmula a naibitbitin, dagidi ik-ikan a nagango ken dagidi pagsilsilawan a naggapo sadi China. Ti uni ti saguan a maigaod iti nalibeg a danum ti karayan, ti danarudor dagiti luglugan ken karkarison nga aglasat iti rangtay ti Binondo dumanunda a nalaing kadakuada, ngem saan dagiti sasao ti ikit ni Maria. —Naim-imbag, dita, makitkitanakay ti amin a tattao, —kinuna daydi baket.
Idi damo, bin-ig a inaang-ang dagiti inda sinarsarita, dagitay nasam-it a inaang-ang a pumadpada unay kadagiti balbalat da giti pagpagarian sadi Europa: kas la tagapulot ti nanam da ka dagiti nayanak kadakuada, ngem pagkatawaen wenno pagmuraregenda dagiti taga sabali a daga.
Ni Maria, ta kabsat ngad ni Kain, naimon, ket iso ti gapo na a sinaludsudna iti kaayan-ayat na:
- 51 —
