rabrabii a nasellag ti bulan, ti bulan sadiay a kas la mailiblibay, no
daytay innak agbangkabangka iti Rhin a karayan, innak man
itay agsalsaludsod no di la mabalin a maallilaw ti innak panangipapan, tapno kuman inka makita iti nagbabactan dagiti kaykayo
iti igid, wenno iti dili ti Lorelay, wen ket dino iti let-ang dagiti
dalluyon ti karayan, nga agdandaniw iti kaulimkan ti rabii,
a kas piman iti saritaenda a nalibnos a babai a mangted liwliwa
tapno maragsakan ti kinawayas ken kinaliday dagiti kaskastilio
a narnarba!
—Saanak a nagbanbaniaga a kas kenka, awan nakitkitak no di laeng ti ilim, ti Manila ken ti Antipolo, — insungbat ni Marfa, nga umis-isem, ta paticnna amin dagiti sarsarita ni Ibarra; — ngem nanipod idi nagsinata ket simrekak iti Beaterio, kanayon la a linaglagipka, ket dika linipat, nupay kasta ti inbilin kaniak ti padi a nagkonkonpesarak, ket ado a penitensia ti indusdusana kaniak. Malaglagipko no kua dagidi ay-ayam ta, dagidi ap-apa ta idi ububbing ta pay. Piliem idi dagiti kasayaatan nga alimbukay no agsikita; inka idi sapulen iti karayan dagiti kabuklan ken kalinisan a batbato a babassit nadumaduma ti kitada, tapno makapagkuduta; namulatka unay idi, kanayon a maabakka, ket ti panusak kenka, pakpakek ta imam itoy dakulapko, ngem diak unay ipigpigsa a ta kaasianka met. Iti sungka, nasaurka unay, adadda ngem siak, ket masansan a inta aginnagaw. d’Malagipmo daydi naminsan a pudpudno a nakaungetka? jA, idi, pinagsagabanak, ngem idi kuan, no malagipko idiay Beaterio, umisemak, ket segsegga-anka tapno agapata man kuman... sa ta man met la kuma agkappia a daras. Ububbingta pay idi: napantay iti daydi inam nagdigos iti waig, iti linong dagiti kawkawayan. Iti igid aduda dagiti nagtubo a sabsabong ken mulmula, a dagiti diak maawatan a nagnaganda inka ibagbaga kaniak iti sao ti latin ken kastila, ta agadalka idin idiay Ateneo. Siak, dika met idi ibibiang; innak sursuruten idi dagiti kulkulibangbang ken kalkalammot, a dagiti bagbagida a babassit unay a kasla kadakkel ti dagom, ipakitada dagiti marmaris ti bullalayaw ken amin da giti ranraniag ti rarang, inda agkikinnamat ken aglawlalawlaw iti nagbabactan dagiti sabsabong; no dadduma, pasaray kayatko a kellaaten, tiliwen iti imak dagidi babassit a ik-ikan a kasta unay pardasda a gumalis iti yan dagiti lumlumot ken babassit a bat bato iti igid. Idi kuan, nagpukawka, ket idi nagsublika, nangi— 54 —
