kuyugka iti maysa a balangat a bulong ken sabong ti sua, nga
insaadmo itoy ulok, ket pinanaganannak iti Cloe: sika nangaramidka met iti balangatmo kadagiti lanlanot. Ngem daydi inam
innalana daydi balangat ko, tinaltalna iti maysa a bato ket inlaukna iti gulgol tayo a grego; nagarubos dagiti luluam, ket
kinunam a daydi inam dina ammo ti Mitoloj'ta — “Angang!” — insungbat daydi inam, — “kitaemto no kasano ti kinabanglo dagiti bubuokyo.” Siak nagkatkatawa-ak, gimmuraka, dinak kinayat a kinasao, ket iti bayat daydi nga aldaw, nagtalnaka
iti kasta unay a istay pay nagsangitak. Idi agawidtayon iti ili ket
gapo ta napudot unay ti init, nangalaak iti bulong ti subusob
kadagiti agtubtubo iti igid ti dalan, intedko kenka tapno ikabilmo iti uneg ti kallugongmo, tapno saan nga agsakit ti ulom.
Immisemka: iso di iniggamak ta imam ket nagkapiatan.
Ni Ibarra immisem iti ragsakna. linuktanna iti upit, kartera
na ket dinutdutna ti maysa a papel a nakabungunan dagiti ngimmisngisit, nagango ken nabanglo a bulbulong.
—jDagidi bulbulong ti subusobmo! — ti insungbatna iti ikikitana; — daytoy iso amin daydi intedmo.
Iso met dinarasna nga innala iti barukongna ti maysa a bassit a supot a raso a puraw. —jPs! —kinunana ket sinipatna ti ima ni Ibarra;—saan a mabalin a sagiden: maysa a surat a pagpakada. —<1 Iso dayta daydi surat ko kenka idi sakbay ti ipapanaw
ko? —dAdda kad suratmo a sabali, senior ko? —Ket, eania ti inbagbagak kenka idi? —jAdo a sinasalawasaw, pambar ti madi nga agbayad iti utangna! — ti insungbatna, nga immisem a daytay inpadlawna a kaay-ayuna unay dagidi nga inuulbod.— jAgtalnaka! ibasakto kenka, ngem ikkatekto dagiti pangar-artiokmo tapno dika matuukan.
Ket inngatuna ti papel iti kasinngato dagiti matmatana tapno saan a makita ni Ibarra ti rupana, ket rinugyanna a binasa: “Ingu ...” diak patuluyen a baliksen ti sumaruno, ta maysa a kinasalawasawmo! — ket binasa dagiti matmatana dagiti sumagmamano a binbinnatog. — “Ni ama kayatna a pumanawak. — 55 —
