nupay kasano a panagdawdawat ko. — “Sika, lalaki ka” kinunana kaniak — “rebbcngmo a panunuten ti kasakbayan ken dagiti
an-annongmo. Rebbengmo nga adalen ti sirib ti biag, ti saan
a maited kenka ti Daga a nakayanakam, tapno addanto ipaaymo kenkuana kadagiti maudi nga al-aldaw. No agyanka la
iti arpad ko, iti babacn ti salinongko, iti daytoy a disso a napno
iti ado a lapped ti panunot, dikanto masursuro ti kumita iti
adayo; ket inton awanakon, kas kanto itay mula a kuna ni dumadaniw a Baltazar a: “yan ti danom ti inna tinubuan, no di la
masibugan, manglaylay, iti pudot nga apagapaman ket magango,
matay a maminpinsan.” Makitam? bumarukan ket agsangitka pay
laeng!” — Sinugatnak toy a sao ket inpudnok kadakuada nga
ayatenka. Ni ama nagulimck, nagpanunot, inpatayna ti imada
iti abagak ket kinunada kaniak, a timek da iti namigerger:
“Pagarupem aya a siksika laeng ti makaammo nga agayat? ku
nam aya a dina ka ayaten toy amam ket dina rigaten ti maisina
kenka? Itay nabiit napukawtay daydi inam: siak lumakayakon, ag
turungakon iti daytay tawen a pannakasapol iti saranay ken
pangliwliwa dagiti agkakabanuag, ket, nupay kasta, awatek ti innak panagmaymaysa, ket diak ammo no masubliankanto pay a
makita. Ngem rebbengko a panunuten dagiti banbanag a daddadakkel . . . Ti kasakbayan agwaknit kenka; kaniak agpuniten; dagiti ay-ayat mo rumusrusingda, dagiti ay-ayat ko maididdepdan; ti apoy adda a bumurburek ita daram, ti lamiis simmamayen iti darak, ket nupay kasta, agsangitka, ket dika am
mo nga ipatli ti agdama iti maysa a bigat nga adda pagpaayanna kenka ken iti ilim!” —Dagiti matmata ni ama namsekda
iti lua, nagparintumengak kadagiti dapdapanda. inarakupko,
dimmawatak iti pakawan, ket kinunak kadakuada a sisasaganaak
nga agluas ...”
Ti saan a pannakaidna ni Ibarra pinasardengna ti panagbasana: daydi bumaro sibebessag ket agpagnapagna iti murdong ken murdong.
—d’Ania ti adda kenka? d’ania ti makuam? —sinaludsod ni Marfa Clara. —Gapo kenka, nalipatak nga adda annongko, nalipatak a rebbengko ti mapan ita met laeng sadi ilik! Inton bigat, iso ti aldaw dagiti natnatay. — 56-
