Ni Mana Clara nagulimek, inperrengna kenkuana iti apagbiit dagiti dadakkel ken managparparmata a matmatana, sa
nangala iti sabong, ket kinunana a sisesen-na-ay:
—[Ala, inkan, saanka nga igawiden; iti uneg ti sumagmamano nga al-aldaw agkitatanto manen! jlkabilmo toy a sabong
iti rabaw ti tanem dagidi dadakkel mo.
Kalpasan ti sumagmamano a kanito, daydi bumaro immulog iti agdan a kinuyog da Kapitan Tiago ken ikit Isabel, idi ta ni Maria Clara simbrek iti siled a paglualuan. —Ipaayyo nga ayat ta masauyo ken Andeng a saganaenna tay balay, ta umay da Maria ken Isabel! jNaimbag a pannagnayo! — kinuna ni Kapitan Tiago, idi sumakay ni Ibarra iti lugan a nagturong iti plasa San Gabriel. Idi kuan, a kasna pinangliwliwa, kinunana, ken Maria Clara, nga adda nga agsangsangit iti arpad ti maysa a ladawan ni Apo Santa Maria:
—Ala, mangseggedka iti dua a kandela a bininting, maysa ken Apo San Roque ket maysa ken Apo San Rafael, a katalek dagiti agpagpagna! Silawam ti pagsaingan ni Nuestra Seniora de la Paz y Buen-biaje, ta aduda dagiti tutulisan. Naim-imbag a makabusbos datao iti salapi nga allid ken innem a kuarta a segden ngem ti agbayadto datao iti nawadwad a panubbot!
-57 —
