ti landok; dagiti balbalod nasipulsipulda a sagtunggal dua, kinesset idan ti init, pinasdo idan ti pudot ken ti bannogda, ket dagdagdagen ken ap-aplitan ida iti pagbaot ti sabali a balod a maliwliwa ngata a kumabil met iti sabali. Tattao da a natayag, naliday
dagiti langlangada, nga iso dina man la nakita a linawagan ti
maysa nga isem; nupay kasta, dagiti matmatada rumaniagda, no
daytay agsagawisiw ti pagbaot nga agdisso iti abagada, wenno
daytay adda magmagna a mangipuruak kadakuada iti rungrong
ti tabako a nabasa ket nganngani nasegsegen: piduten ti kaasitgan
ket inna idulin iti lingka ti kallugongna: dagiti dadduma mabatida a mangsipsipot kadagiti sabsabali nga aglabas iti naipaspasaray a ikikita. Kasna pay la itay dengdenggcn ti uni a patauden ti inda panagpisi kadagiti batbato nga igaburda kadagiti
ludutlot, ken ti naragsak nga aweng dagiti nadagsen a kawkawar
a naikabil kadagiti limteg a palaypalayda. Ni Ibarra malagipna nga agpigerger pay laeng ti maysa a naaramid a nanugat iti
isipna idi ubing pay; maysa nga aldaw daydi, ket ti init ibakalna
dagiti kapupudutan a sinsinamarna. Iti linong ti maysa a karison a kayo adda a nayunnat ti maysa kadagidi a tattao, awan
biagnan, dagiti matmatana, nagbingngida iti apagapaman; addada met dua, a siuulimek, tartarimaanenda ti maysa a tarimbang, nga awan pungtot, awan ladingit, awan ganatda, kas kunada a kababalin dagiti nayanak sadi Pilipinas. Ita sika, inton
bigat, dakamto met, kunada ngata piman. Dagiti tattao lumabasda a dida man la tumaliaw, nakarting ti pagnada; dagiti
babbai isuda ti umasibay, kitaenda, sa da man met la tuluyen ti
magnan: masansan a makitkita daydin, ket pinagbuttunan da
giti puspuso; dagiti luglugan agtatarayda met a sumilsilap ti nalinis a bagida a bakalen dagiti sinsinamar ti naramag a init ti
maysa a langit nga awan ulep na; is-iso laeng, iso nga ubing pay,
agtawen la iti sangapulo ket maysa, sangsangpetna a naggapo iti
ilina, is-iso laeng ti natignay ti pusona, ket is-iso laeng ti nangparparmata iti daydi nakitana idi dimteng ti rabii.
Awanen daydi naimbag ken nadayaw a Puente de Barbas, daydi rangtay a naimbag a pilipino, nga ipakatna amin a mabalin na tapno adda pagpaayanna, nupay kasano dagiti kasisigodna a pagdakdaksan, rangtay a ngumato wenno bumaba kas pagayatan ti karayan Pasig, iso a namin-adon a nangdadael ken nanglasanglasang kenkuana. — 59 —
