IX
MAAR-ARAMID Ni Ibarra saan a naallilaw; iti daydi a biktoria adda nga ag payso a nakalugan ni Padre Damaso, ket mapan gayam iti balay a kalkalpasna nga inulugan. ■sinaludsod daydi praile kada —dAdinno ti papananyo? Maria Clara ken ikit Isabel, a rubrubuatenda ti sumakay iti lugan da a napattupattukan iti pirak; ni Padre Damaso iti let-ang ti inna panagpanpanunot, inna sinipatsipat iti nainayad ti pingping ti balasang. —Idiay Beaterio, ta inkam alaen dagiti ar-aruatek, — in sungbatna.
—jAjaaa!, aja! ala man, kitaentayto no asinno ti napigpigsa ti kabaelanna, ala man! . . . indayamudumna, a kas la sabali ti yan ti nakem na, ket binay-anna dagidi dua a babbai a nasdaawan iti saan a bassit. Sidudumog ti ulona ket nabannayat ti pagnana a dimmanon iti agdan ket immuli. —jAdda ngata sermonna, ket inna ad-adalen a ipaulo! — kinuna ni ikit Isabel; — lumugankan, Maria, ta maladawtanton a sumangpet. No adda wenno awan sermon ni Padre Damaso, dimi mabalin a ibaga; ngem nalabit nga adda panpanunutenna a nadagsen unay a banag, ta dina pay inyawat ti ima na ken Kapitan Tiago, iso nga istay la nagparintumeng a immagep. —jSantiago! —iso ti immuna a sinauna, —adda nasken unay a banag a inta pagsaritaan! Inta iti despachom.
Ni Kapitan Tiago nadanagan, saan a makasao, ngem timmulok ket simmurot iti likudan daydi napalalo a naglukmeg a padi, iso a nangirikep iti ruangan, apaman a inda nakastrek. Ita ta madamada nga agsarsarita iti nalimed, intay palutputen no ania ti naaramid ken Fr. Sibyla. — 64 —
