Iti Dagá a Nakayanakak:
Maysa kadagiti saksakit a mangrigrigat iti tao iso ti kánser, a napalalo a nagdakes ta iti la apagbassit a inna pannakasagid, rumaba ket sumakit iti nakas-ang unay. Ket wen, iti laem dagiti barbaro a pannakawadwada ti isip, no namin-ano a kinayatka nga inawagan tapno dayta lagipmo iso man kuma u mangadkadua kaniak, wenno tapno inka man kuma idilig kadagiti sabsabali a dagdagá, kasta met ti inna panagpakita kaniak dayta ay-ayatek a ladawam nga adda nga agsagsagaba iti maysa met a kánser a umad-adas iti daydiay.
Agsipod ta tarigagayak ti piam, ta iso met ti piami, ket piman ta sapsapulek ti kasayaatan nga agasmo, aramidekto kenka ti kas inaramid dagidí in-inauna kadagidí masaksakit nga inda idí ipan ití agda-agdan ti simbaan, tapno amin dagiti tattao a mapan kumararag iti Apo inda ibaga ti nasayaat nga agasda.
Iti kasta, innakto ikalikagom a ipamatmat ti pudno a kasasaádmo, nga awanto ket ti innak samiren a uray ania; in- nakto lukasan dagiti dadduma nga ab-abbong a nangilemmeng iti sakitmo, nga innakto pay lipaten ti ayat ití bukod a bagí, a ta, kas anakmo, sagsagabaek met ti sakit ken kapoymo.
Europa, 1886
