ken ti turog dagiti umili; dina pay ida pagpigergeren, ket no kas
ta adda kuma nakasagid kenkuana iti maysa a sermon, awan
duadua a kinuna kuma dagiti tattao nga immasog: (No maymaysa
la kuma ti Apo Mugna!... Bassit laeng ti inda pannakalaglagip
itoy naimbag nga Apo; nagado a pakabuungan ti ulo gapo kadagiti sasanto kada sasanta. Kadagidi a tattao, ti Dios kas la
maysa kadagiti nakaay-ay-ay nga ar-ari a linawlaw dagiti ado a
lallaki kada babbai a kaay-ayuda; ti Hi isuna la nga inna pagraeman dagitoy.
Ti ili a San Diego kas la kuma maysa a Roma, ngem saan a daydi Roma idi inarado ni nasikap a Romulo ti pagdissuan da giti bakbakodna a kabiti, wenno daydi Roma id kalpasanna, a nalayos iti darana met laeng ken dara ti sabali, idi ta iso ti agituytuyang kadagiti linlinteg a tungtungpalen ti lubong, saan; kasla ti agdama a Roma, ket ti gidiatda, iso daytoy: ti Roma adda monumentova a marmol ket adda oliseona, ket ti San Diego, linaga a kawayan ti monumentona ket ti pallutanna, nipa. Ti kura iso kuma ti papa iti uneg ti Batil^ano-, ti alperes ti Guardia Sibil iso kuma met ti ari ti Italia iti Kirinal, ngem awaten a maitutop amin iti monumento a linaga a kawayan ken iti pallutan a nipa. Ket ditoy, a kas met sadiay, kanayon nga adda rumsua a gurang-gura, ta tunggal maysa, iti ayatna nga iso ti apo, pagbalinenna ti sabalina a surok, saan a masapsapol. Lawlawagantay toy ket ibuksilantay dagiti kabkababalinda a dua.
Ni Fray Bernardo Salvi iso daydi ubing ken naulimek a pransiskano a nasaritatayon. Kadagiti kadkadawyan ken panagkukuana, maigidiat unay kadagiti kakabsatna, ket nangruna iti daydi sinukatanna, ni naunget a Padre Damaso.
Nakuttong, arinsasakiten, nganngani kanayon a sipapanunot laeng, naiget iti panagtungpalna kadagiti an-ann6ng ti kinapadina ket naannad met a mangsalimetmet iti naimbag a naganna. Kalpasan ti maysa a bulan ti idadatengna, istay iso amin dagiti tattao simbrekda nga ermano ti V.O.T.9 a kasta unay a liday ti kasalisalna, nga iso ti Kopradta ti Santisimo Rosario. Ti kararua lumaglagto iti ragsak, no inna makita iti tunggal tengnged ti uppat wenno lima nga eskapulario ket iti tunggal siket ti maysa a barikes a nasiglusiglot ken dagiti pinangen a bangbangkay wenno ar-araria
(9) Venerable Orden Terciaria, maysa a gimong dagiti mananglualo a binangon dagiti praile a pransiskano.
— 75 —
