na, nga inkabilko idi idiay sakaanan ti krus, iti babaen dagidiay a
bulbulong?
Ti agitabtabon intal-una dagiti ab-abagana.
—jKitaem!—innayon daydi lakay a nangipakita iti pirak;— day-daytoy ti adda a kuartak, ngcm itedkunto kenka no masapulam daydi bangngabangnga.
Ti silap ti pirak pinagpanunutna, kimmita iti yan dagiti tultulang, ket kinunana: d'Awan sadiay? dAwan? No kasta, diak ammo.
—iAmmom? Inton agbayad dagiti nakautang kaniak, ikkankanto manen,—intuloy daydi lakay. —Iso daydi ti bangngabangnga daydi asawak; ala, no masapulam. . .
—dAwan sadiay? No kasta, diak ammo. Ngem no kayatyo, mabalinkay a ikkan iti sabali!
—jKas kala ita tanem a kalkaliem!—kinuna daydi lakay a namigerger;—dika ammo ti pateg ti mapukaw mo. dAsinno ti akintanem ita kalkaliem?
—jAmmok kadi! (Tanem ti natay! —insungbat a makasursuron daydi maysa.
—!Kas ka ita tanem, kas ka ita tanem!—inulit daydi lakay a nagkatawa iti namaga;—dika ammo ti ibatbatom, ket kasta met ti tiltilmunem! jAla, agkalika, agkalika'
Ket nagsubli a nagturong iti ruangan. Iti daydin, ti agitabtabon nalpasna ti aramidnan; dua bunton a daga a nabasa ken lumabaga ti adda iti agsumbangir ti tanem. Nangala iti mama iti lingka ti kallugongna, nagmama ket kinitana iti kas la ikikita ti ang-ang ti amin a maaramid iti lawlawna.
