kung ukulan metung a bage...”
“At nanu ing ukulan yu. . .?”
"Nung ding katoliku ila mung malyaring miligtas at kareti atin mung lima balang dinalan, anti mo ing sasabyan da ring dakal a cur a, at nung ding sablang katoliku kalabi la mung adwang dake ring tau mabilug a yatu, nung tutu ing bilang a makasulat king aklat kaniting bage, e kasi oyni ing malyare: kaybat dang miparusan ding katakatang tau lub ning pilan libung banwa bayu ya dinatang ing Minyaklung, kaybat nang pepaymate ning anak ning Dyos king uli tamu, ngeni no pamu aligtas ding lima balang libu adwang dalan at kaladwa? Ali, yan e malyari. Malaus kung magsalita at maniwalang katulad nang Job : Pisakitan yeng pamiraswan ing malating bulung tanaman a sulasulapo at ipalkas yu ing mwa yu king kapirasung malanging dutong? Ali, ing maragul a kapahamakan a anti kanyan é mapalyari.... Ing maniwala kanyan katulad ne ning malmura king Dyos...! Ali, é malyari ing makanyan...!
“O nanu ing buri yu. . .? Ing katarungan (Justicia)... ingKalinisan a ibat babo. . . Pureza divina. . .)?"
“O ing katarungan at ing kalinisan a ibat babo akakit da ing payntungul bayu ing pamaglalang I” nganang mekibat ning matwa. Mengaligkig ya't tinalakad. "Ing tau metung ya mung mikatagun at é kaylangan king melalang, uling ing Dyos é ne lelangan ing katau mung tau banyamung apaligaya at bana nomang parusan ding libu-libu king alang kapupusan a kasakitan at yan ngan uli namu ning amanang pamikasala o pamikasala mu king sinaguling penandit. Ali, uling nung yan ing tutu, maya’pang ngeni pa ilumud yu ne ing anak yung matudtud keta suluk. Nung ing makanyan a kapaniwalan e metung a kalapastanganan kanyang Dyos a sukat maging kakataskatasan a kayapan, nung makanyan, itang ganid dang Dyos ding tau Fenicia (Molok fenicio) a mamangan tau a mabibye king daya ra ding alang kasalanan, at king kandunga’na durulukan do ring bingut a sususu pa karing karelang Indu, itang madayang Dyos a ita a sidsad king dawak, nung ilimpi me king Dyos a sasabyan yu, ita maglupa nya mung dalagang mayna, maging metung yang kakaluguran, at maging Indu ne pa ning Ketawan...!”
