This page has been validated.
King mipnung takut ing kulang o matenakan, likwa'ne ing bale at milayi ya king dalan bista man mumuran at madalumdum.
Ing makailo kildap kinislap ya, tikya'ne ning makapangaklak a duldul at silbag ning angin itang makamate aping mengatalamsik. Silwa’ne ing matwa, tinas no banwa ring gamat na at nganang ginulisak:
“Ika tututul ka! Balu kung e ka bwangis, balu kung sukat da kang awsan ‘Ing Mayap’!”
Ing duldul mituki-tuki at ing bagyu mesikan.
