Manuldul pang masikan at mipatung-patung na ing kaJaksing at salasalisi ing makatakut nang "zigzag" ning kildap. Balamu wari susulat neng api ing lagyu ning Dyos king malapad a kisaming gagalgal king takut. Ing uran a bubulus da wari, pamaspas na ning angin a daralung sisyuk inya mangatilihan babasibas na misusumangid. King siwala rang tatakut ding kumpana yaslat da ing malungkut dang dalung at king balang makuyad a pilata'ning paynawang bengisan ning duldul at kildap, makahale mararamdam ing bakting a makitulad king tagulele.
King kadwa nang pisu ning simboryu ning pisamban karin la ring adwang anak a ikit ta mung kasabi na ning filosofo. Ding mata na ning wali, maragul la at matuling dapot itsura yang matakutin at papakat na ing katawa’na king kapatad na. Ing maragul naman kalupa nya naman ning wali dapot matimid yang maglalawe at maki bikas masikan a lub. Ding adwa maluka la piblas, mitmung sulsi at tagpi. Makalukluk la king metung a trosung dutung at balang metung ka rela tatalan yang lubid a makataid ketang katlung pisung madalumdum. Ing uran a tatapus na ning angin darasa'no ketang bili ra at lalabula’ne ing makuyad a kandilang makasindi babo ning mabilug a batung padugang da king koru ban kalugkug anti mong duldul balang Viernes Santu.
“Kulyutan me ing lubid mu, Crispin. . . !” nganing koya king wali. Iti migbitin ya king lubid at meramdam babo ing maynang daing ning kumpana a piputa’na ning biglang duldul a tikya’na ning salasalisi nang
tabling.
