mu, koya, malaran ya ing Mayul pati na ing curang
maniwala kaya. .. ila ngan maglararn la, uling ngara
inya linwal tang mapanako uling i’Tatang sugarul ya.”
E na asundu ning wali ing buri nang sabyan at
mibitin la karing labi na ring mengarimlang amanu
uling king é ra pyadyan linsut ya babo ning eran, ibat
lalam ing metung a buntuk a karing mikapatad balamu
wari ya ing buntuk nang Medusa a maki bwak ubingan,
inya mengarimla la king takut. Buntuk yang makitid at
makaba, payat, maki matuling at makabang bwak.
Makasalamin yang asul ba’yang e maulata itang metung
nang matang bulag. Ya ing mayul. Ugali na ing kabud
nya lunto alang inge at alang kapyadyan.
Ding mikapatad gagalgal la’t mangarimla.
“Ika, Basilio, mumultahan da kang adwang reales uling é ustu ing pamanigtig mu karing kumpana,” ngana king malalam nang siwalang lulwal king pakang nang gulunggulungan. “At ika, Crispin, malakwan ka ngening bengi anggang e la mayakit ding penako mu...”
Linawe neng Crispin i’koya na, anti ya mong manyawad saup.
“Ati'na keng kapayntulutan... panaya'na ke pung Inang mi ngening ka-walu ning bengi. . nganang halus sisitsit Basilio.
“Ika man é ka myuling a las otsu, nune potang a las dyes!”
“Dapot, Gino, a las nwebi mu pu e na ka malyaring maglakad king dalan at ing bale mi pu marayu ya..."
“Aba! at aku pa ing yutus mo...?” nganang mikasbu ning mayul. Sigmit ne takde i'Crispin at nasa neng itaguyud.
“Gino, ati'na pung paruminggu é mi ya pa ikit i'Inang mi...!” nganang migparalampung Basilio at kinaul ne ing wali na ba’neng ikubli. Ing mayul berug ne gamat at sepulyut ne i’Crispin at iti kinyak ya at kinasat papiglo kang koya na:
“E mu ku lalakwan, paten da ku.. .!”
Dapot ing mayul é ne pinsingan, teguyud ne angga lalam eran at limbug la ketang madalumdum.
