amanu ning kakalulwa’na ilang gagamita’na. Tatangis
yang dilidili ing kaladwa na at managulele ya uli ring
mete na uling ing pakamal da reta ya ing lunas kaya.
Ding labi na bisa lang magsalitang kapuryan dapot
kilub ning kanwa'na gugulisak ing dalung a kakambal
ning paginakit. E mu pa wari tula, ó Dyos a pepalusuk
king kakalulwan, at ikayu, kaladwang ati yu king ligalig,
ing wagas nang panalangin ning dusta a pengadi
nang dalise arap ning luma nang larawan ning metung
a santus a babantya’na ning mamatukba nang sinag
ning sulung-simsem? Yapa waring pamitan yu itang
magparangalan dang lablab ding dakal a kandilang
mitatau arap da ring darayang Cristo at tulid da ring
Virgen a maki asbuk a malati at maki matang bubug at
ing misa king amanung latin a daralit ning pare? At
ika, kasalpantayanan (Religion) a ipanaral da karing
taung magkakasakit, kelingwan mu na wari ing kekang
katungkulan a sukat mong atdanan kaligayan ding
makalugmuk king kapahamakan at paklyan naman a
bagyus detang sasalimpara king kayabangan da? Ngeni
wari, ila namung ating panenayan ding mabanding
makapamayad keka. ..?
Oyta ing kalulung mebalo, tatanura’no ring anak nang matudtud siping na. Gunamgunama'no ring bulang dapat nang saliwan ba’lang mibili king karatunan ding mete nang pengari at asawa. Ing alagang pesus, ngana, ing alagang pesus paruminggu neng sagakgak at kaligayan, at ing pabulan kung tipun metung nemang bistidu para king ana’kung malapit nang madalaga. Dapot sinabi ning pari king aral na ing mebinang kaministilan ing patdan itang aping mamarusa, inya é na pa bala ing mibata at paypagkasakit. Wa. ..! iti kaministilan, uling ing pisamban (La Iglesia) é no iligtas alang bayad ding kaladwang mal kekatamu. E no pamye nune pisasali no ring bula. Sukat kang sali inya lugal a matudtud ka ngening bengi paypuyat na ka pang magobra.. Manupaya ne pang galut-galut a imalan ing anak mung babai. Mangiling na ka pa uling maulaga yang tutu ing ligaya! Iti balamu ipatuyag na king ing banwa e ya karing pakakalulu.
Iting kayang pamigunam lipo-lipo kilub nitang makitid nang dampa. King lande makalantang ya ing magaspang a dase at king metung a paludpud ning
