adwa nang anak at pigsadya nong lamak. Sinali yang
tuyu at inagtal no king malati nang mula ring peka
masanting a kamatis uling balu nang tutu nong buring
Crispin. Pintala'ne i’filosofo Tasio a makarayung
bagya king bale na, at menyawad yang kapirasung pindang
a babing dikut at kapwad a patung labuyu uling
iti ya naman ing ulam a kamamate nang Basiliu. At
mipnung aligaga tinun na ing peka maputing abyas a
atipu'na king pamakisugu. Ita ya kabud ing awsan
dang apunan cura karing adwa nang anak a kalulu.
Dapot king marok a mikatagun dinatang ya ing asawa na at penga’na ngan ing nasi, ing pindang babing dikut, ing pwad patu, limang tuyu angga na kamatis. I’Sisa e ya bubulad bista man anti re mong paglapasan a laman. Inyang mabsi ne kanita no pamu aganakang kitang ding anak. Kaniti mipatiman ya i'Sisa, at king tula na inari na na king lub na ing é ne pa mapun itang benging ita, uling itang mitagan é na managyu karelang atlu. Kitang nong tata ra ding anak na at ita labis pa king pamangan.
Kaybat, kinwa ne ning lalaki ing manuk nang sabungan at mamako ne sana.
“E mu no panayan. . .?” nganang mikakunung kinutang. “Sabi nang matwang Tasiu mabalam lang bagya. I'Crispin byasa neng mamasa at marahil darala
na nong Basiliu ring sweldu na. . King tawling amuyut memandal ya’t mikunut. Dapot ayagkat ne ning anghel nang talataid.
“Nung makanyan, taganan mu naku mung pesus. .ngana, at saka ne mebating.
Penamdama'nang Sisa iti at menangis ya. Dapot aganaka no ring datang nang anak inya agad nang pinulis ing Iwa na. Tinun yang pepasibayu at sidya no ring atlung tuyung mitagan: balang metung karelang adwa atin ya pa namang metung at kapitna.
“Alang sala, danupan la,” nganang mimisip. “Makaha ing lakaran da at ding atyan a danupan e la byasang mangiling. .
Ing balang katujg king dalan pakiramdama’na. Ing takbang a masala at masikan, kang Basiliu, at ing takbang a mayna at e timbang, kang Crispin nganang mimisip.
