ku... memaril la at midaplisan ku king kanwan.
Tatakut kung arakap da uling pota palinis dya naman
kaku ing kwartil at barugan pa anti mo ing gewa ra
kang Pablu inya angga ngeni, oyta, masakit ya pa. .
"Dyos ko...! Dyos ko...!” nganang mengarimlang Sisa... "Salamat na mu... linigtas me ing wali mu...” Kabang kakwa yang basan, danum, aslam at pakpak g alsa, ngana pang tinuglung:
"Taliri na mu apate ra na ka...! Pete re sa ing ana'ku! Deng guardia civil a ren e ra no gaganakan man ding Indu...!”
“Nung ating makabalu, sabyan yu na mu, Inang ing mebaldug ku king metung a tanaman. E na sana ababalu ning ninu man ing penagal daku.” “O ba't naman melakwan ya i'Crispin. . .? nganang kinutang kaybat neng inulu ing anak na.
Linawe ne sinaguling Basiliu, kinaul ne at kaybat selita nang ditak-ditak ing milyari karing adwang onsang gintu, dapot dit man e na simbitla ing pangabarug ning wali na. Kaybat, mipanangis la ring adwa.
“Ing mayap kung Crispin! Makananu reng abintanganan itang maganaka kung Crispin...? Kalulu ta kasi...! Kekatang pakakalulu karin mibubuntun ing palsala at ing sablang sakit pibatan tamu...!” nganang bubulung Sisa kabang ding maglwa nang mata makatangad la ketang undap-undap a paritan a ditak na laru.
Makanyan lang menahimik sinaguli ring adwa. “Minapu’na ka...? Ali ka pa, ne...? Ating nasi ampon tuyu.” “E ku maybug mangan, Inang. Inuman. . . minum na ku mu...” “Wa!” nganang malyngkut Sisa. "Balu kung e mo katulan ding tuyu, atin ku sanang sadyang aliwa o neng dinatang ya i’Tatang mu... kalulung anak ko...!”
“Dinatang ya i'Tatang...?” nganang piragling kinutang Basilio at layun nong pegumasdan mayap ing lupa at ding gamat nang Inang na. Itang kutang nang Basilio mengari yang malaing sundang a tinarak king pusu nang Sisa uling ding panimanma'nang miglakad ibat king lupa angga karing gamat na pakibitasan da wari nung ing tampalasan a Tata biwatana’neng gamat
