ing maganakang Inang na. Uli niti, nganang memiragling
mekibat.
“Wa, dinatang ya at kitang na ko pin. Buri na kong akit. Danupan ya at pepakan ke. Nung isundu yu ing masanting yung panugali, ngana, balikan na ka tamung pasibayu.” “Ah!" nganang mingitngit Basilio at kinet no ring labi na.
“Ing ana'ku naman...!” nganang maki paginakit Sisa.
“Patawaran yu ku, Inang...!” nganang Basilio.
“E ta pa wari masalese bili kanyan, ikayu, i’Crispin at ako...? Dapot... kikya’kayu ... nung makanyan, ala kung sinabi...”
Mengisnawa yang saldak i'Sisa.
“O nung e ka rin mapun, maya'pa paynawa ta na, malalam nang bengi...!
Menusi ne i'Sisa at timbuna'nang uling itang makatagan ban e lubus matda. Makanyan mu naman ing daraptan da ring tau king panamdam da kilub salu: king makatagan pang baya isalang ing uling ning bye yawsan tang kealan masabal, ban keta e lubus matda king uli ning e tampang panugali ra ding parang tau.
Bilung na ing pangadi nang Basilio at saka ne migkera siping ning Inang nang mangadi pang makasiklaud.
Manamdaman yang pali at dimla. Pipyak nong pilit ding mata na kabang agaganaka ne itang wali nang magpiglas mull kang Inang da itang benging ita. Ngeni, ing kalulu manangis ya’t gagalgal king takut ketang metung nang suluk a madalumdum ning kumbintu. Tatabling pa king panamdam na itang gulisak a dimdam na king kampanaryu, dapot ing katawa'nang bugbug king pagal lalabuga’na ing milalarawan king kaukula’na at katatawlyan mipatudtud yang manyaman.
Ikit ne ing metung a pitutudturan nung nu la makasindi ring adwang kandila. Ing cura tatalan yang yantuk king metung nang gamat at makabusangut neng pakiramdaman ing mayul a magsalita king amanung e na ayntindyan at kukumpas yang makatakut. I’Crispin gagalgal ya at ding lulwa nang mata babalikid no
