misusumangid, balamu manintun yang sumaup o kaya
apisalikuta’na. Inai'apa'ne’t inaus miraralakdak ning
cura, kaybat sinyuk ya ing yantuk. Milayi ya ing anak
at migkubli ya king mayul. Iti naman dekap ne at
inapag king tampalasan a cura. Ing alang kalmang
anak maginlag ya, sisikad, gugulisak, mikera ya’t
migdugang-dugang. Mibangun ya, liligtas ya sana dapot
mitalusad ya’t misakab at panyagkan na ing saplid
karing gamat a sasalikut na uling mengasugat na la
kabang gagalanggang ya king sakit. Akakit neng mamaluktut
Basilio, akakit neng pamaspas na ing buntuk
na king gabun, akakit ne at daramdaman sisyuk ing
yantuk. Inyang e na na apibata ing sakit ning wali
na mibangun ya. Lindaga’no I'ing manampalasan kaya
at kinet ne gamat ing cura. Iti, mipagulisak ya’t atabili
ne ing yantuk. Ing mayul, kabud ikit na iti, kinanwa
yang tukud at berug ne king buntuk ing anak. Melyu
ya i’Crispin at mibatbat ya. Lepita’ne ning cura,
inyang ikit neng mesugat, pemaldak ne dapot itang
malating katawan e ne lalaban, e ne gugulisak,
durugang nya king gabun, alang inawa.
Ing siwala nang Sisa ginising ne i’Basilio.
“Ninanu ka...? 0 ba’t kikya’ka...?” “Meninap ku...? Dyos ku po...!” nganang mipasyo Basilio kagna’ning bigla yang mibangun at mamawas ya. "Sabyan yu kaku, Inang, ing meninap ku mu... Metung mung paninap ing ikit ku... Wa! paninap mu...!”
“Nanung apaninap mu...?"
I’Basilio e mekibat. Linukluk ya ba’nang pulisan ing Iwa na’t pawas. Ing kubu ra makabalut ya king dalumdum.
“Paninap mu. .. paninap mu. . .nganang ulitulit malale.
"Sabyan mu kaku nung nanung peninap mu. .. e ku mipatudtud!,” ngana ning indu inyang ing anak na migkera yang pepasibayu.
“Oyni pu...” nganang Basilio king siwalang mayna. "Apaninap ku mo ing memulut tang pale king metung a marangle mipnung bulaklak. Ding salikap
