at banal nang payul nitang minye king bye ku, inya
pagnasan kung lubus abalu ing maging sumbagal king
pamanuru.”
"Dukwa’na ko't igalang ning mabilug a bansa nung agawa yung tutu itang pignasa'nang dap tan ning meangubye pengari yu! Buri yung abalu ing maging ambangan king pamanuro? Nung makanyan sabyan ku kekayu. King panaun tang iti, nung alang maragul a kasaupan, e sumulung ing pamanuru pauli niting makatuking sangkan: mumuna, karing anak alang babye diwa at pasikan lub karela, at nung atin man, iti ilumud namu ning kealan dang kagiwan at ning myaliwang bage makapanagyag karela. Sasabyan da karin Alemanya ing anak na ning metung a ortelano papagaralan deng walung banwa karing pipagaralan balen. Keti kekatamu, ninu mo ing mabisang gumugul agyang kapitna namu ning panaun a ita ngening tutu mung ditak ing abalu ra? Mamasa la, susulat, mag-memorya lang mangasanting a bersu at nung misan pa ing mabilug a librung kastila dapot ala no mang ayntindyan kataya man. King anti kanyan a palakad, nanung abalu ra ding anak a maluka?”
"Nung akakit yu ing kamalyan, ba’t e yu larinan?”
"Ay 1” nganang pipiling malungkut ning guru. "Ing metung a kalulung talaturung anti aku, dilidili, e ya malyaring salangsang king mangasika’nang alun ning pamanatindi at laban karing masikanan. Kaylangan ya bayu ing sabla, ing metung a tune pipagaralan, kapirasung gabun a lugala'na, e anti ngening tuturu ku kasiping ke ing sasakya’na ning cura lalam nang kumbintu. Karin, detang anak a bisang mamasang masikan, makapangabala la king pari, agyang makananu. Neng kai, tipa'na keng miraralakdak, lalu na potang susumpunga'ne ning sakit na, gulisaka'na kami at palmura’na ku pa nung misan. E yu ukulan king ing anti kanitang malilyari makasumbagal king pamanuru at king pamagaral ding anak? Ing anak, kabud ikit nang pilmuran de king arapa’na ing mestru milako ne kalang-alang kaniti uling e na apanlwalu man ing matulid na. Ing guru, ba’reng pakiramdaman mayap, ba'rang igalang ing upaya na at e la magsalupsupan, kaylangan ing pikabalwan ya, atin yang lagyung marangal, sikanan lub, ditak a katimawan. Ipanupaya yu nung angga iting malungkut at mangalating bage sasabyan
