pindwan at milage yang adwang bengi. Iti, ing Mariang
Makiling. Dikii ya kanyang e mapapalyaring palage ra
at kapintasan ya kaniting pyugalyan ding malda. Sinulat
ne ning metung karing mayap nang poeta ning
Lalawigan. Pauli ning kakulangan panaun angga kanyang
kayaldawa’ning pista, pinili mi nong lihim ding
gdnap kaniti at migsane na lan king dake ning balang
metung karing lage. Abibitasa ming lub ning paruminggu
rang pamagsane milage yang masalese iting
drama. Iting munikala ku, Ginu, subali king paninibaywan,
maki ulaga at makapanaun, tutu mung ditak
ing gugul at kaylanga'na. E no kaylangan ipagawang
bayung imalan. Ing susulud da aldo’ldo ya namung
gamitan da.”
"Nung makanyan, aku ing migastus king entabladu. . .!” nganang migmaragul Capitan Basilio.
“Nung mangaylangan kong pulis, iparam ko ring kaku ...nganing Capitan ding cuadrilleros (pulis).
“Nung mangaylangan kong matwa, malyari yu kung agamit. . . nganang migmaragul ning metung a matwa.
"Tatanggapan miya ing munikala. . . tatanggapan miya. . .!” ngarang misalu-salu ring dakal a siwala.
Ing tininti mayul lalapo ya king galak, at mipakyak ya king uli ning tula na.
Ah! masukal ya lub king pangasambut na, ing inukul ning matwang masyas a buntuk, inya nganang ginulisak:
“Tatanggapan miyang alang taltalan ing munikala. . . !”
King kagalakan a tinggap da pauli ning pangasambut at migwagi rang pamamali king kasangilan dang kalaban, i'Don Filipo, nganang tinuglung ning matwa :
"Ing kalimang dake karing kwaltang metipun idikil la king pamamye galal, anti mo king anak a mayap magaral, king mayap a pastul, king masipag a ortelano. king magaling a manyakap asan, at aliwa pa. Makapitatag ta pang lulung bangka, king ilug o king malating dayatan (Iago) karerang kabayu, at myayaliwang pyalung a malyari rang pakyabayan ding magbubukid. Anti mo ing sadyang pyugalyan, malyari tamung mika fuegos artificiales mu naman, ding rueda at castillo
