Belikdan de ing kinutang. Ikit de ing filosofo
Tasio.
Ing tininti mayul lalawa’neng maratna ing gobernadorcillo.
"O nanu ing buri ning cura...? kitang nang
Capitan Basilio.
"Ing Amung buri na. . . anam a prusisyun, atlung aral (sermon) atlung misa cantada, at nung atin pang kwalta, palage metung a kumidya ning Tondu at mika intermedyung dalitan...”
"Ikami, e mi buri yan...ngara ring kayanakan at mapilan a mangatwa.
"O neng ing Amung yan ing buri na !” nganang minulit ning gobernadorcillo, "at apangaku kung matupad ing buri na...!”
"Makanyan, ba't tinipun yu ke pa...?”
"Ba'ku ping sabyan kekayu. . . !”
"Makanyan pala o ba't e yu sinabi ibat king kamumulan...?”
"Buri ku pin sanang sabyan, o neng i'Capitan Basilio migdiskursu ya at e na ku mikapanaun. . . Kaylangan yang pamintwan ing cura!”
"Sukat ya ping pamintwan... ngara ring mapilan a matwa.
"Mamintu tamu uling nung ali, ipasukul na kata ngan ning Alkalde...!” ngarang tinuglung malungkut ding aliwang matwa.
"Nung makanyan tupad kayu at ganan yu nang dili yu ing pista . ..ngarang memanalakad ding kayanakan. "Ikami yurung mi la ring kekeng ambag...!”
"Mesingil na ngan.., ” ngana ning gobernadorcillo.
Lepita'neng Don Filipo at nganang mapait migsalita:
"Pepalupig ku ing kakung sariling dangalan pauli ning maulagang sangkan at ikayu naman pepalupig yu ing kekong dangalan anti mong lalaki king uli ning mayap a sangkan at ing sabla sildak yu.”
Nganang Ibarra king guru:
"Atin kang buring ipadala king buntuk-balen ning Lalawigan...? Mako ku ngeni mu rin....”
