- Lalakad yang mikakunu-lilimpad
- alang pupuntan,
- Metung mu man sang penandit
- alang dit’mang kapaynawan.
- —Alaejos—
- alang dit’mang kapaynawan.
- Lalakad yang mikakunu-lilimpad
I Sisa pupulai yang mumuli keta karela ketang kagutguta'ning pamisip a malilyari kekatamu potang, busal ning metung a kakulangan palad, akit tamung pepaynggulutan da katamu ring sabla at mamako la kekatamu ring kapanayan. Kanita balamu ing sabla daralumdum king makapatulug kekatamu, at nung manakit tamung malating salang saslag king marayu, papulai tamung papunta kaya. Talukyan ta ya e balang libutad ning dalan mibuklat ya kekatamu ing metung a kalalaman.
Ing indu buri nong iligtas ding kayang anak, dapot makananu? Ding indu e ra pangutang ing paralan po tang makapanganib la ring karelang anak.
Pupulai yang mipnung pamigaganaka. Tatalukyan ding takut ampon ding makapangilabut a pamigunamgunam. Sinukul da ne kaya ing anak nang Basilio? Nu ya milai ing anak nang Crispin?
Malapit king karelang bale, ayaninaga'no ring capecete ring adwang sundalus babo ning bakud ning karelang mulahan. E malyaring ilarawan ing dinalan king kayang pusu: kelingwa'na ing sabla. Balu na ing sikanan da lub ding taung deta a yalang nanu mang kikilanan agyang karing lalung mayakayan ning balen; nanung malyari ngeni kaya ampon karing anak nang
