katakut sebat ne king kayang dalan. Karing takbang
a mikakunu inarapa'na ing dane nitang siwala, dimdam na
ing tutulak de gulut, pinyak no ring mata, tinakbang ya
mekatadwa, at kekulangan sikanan, mipasiklaud ya at mipalukluk.
Ing tangis a yalang Iwa,
alang siwala, alang saingsing pagalgala’ne mabilug a
katawan.
Ita ya ing kwartel. Karin ati’lu ring sundalus, babai, babi, ampon manuk. Ding mapilan susulsyan do ring karelang imalan kabang ing babai makakera ya king bangku, maka-ulun king pwad ning lalaki, sisigarilyu at makalawe makamulala babo. Ding aliwang babai sasaupan do ring lalaking maglinis karing kare lang kagamitan, sandata, at aliwa pa, kakantang malale karing gale magaspang.
"Balamu mebulus la ring sisi! Ing gayndu ya mu ing darala yu!” ngana ning metung a babai karing bayung datang: e masala nung i’Sisa yang sasabya’na ó ing manuk a kanita gagaleuk pa.
"Wa, ing gayndu mayap ne kesa karing sisi!” nganang mekibat king sarili na inyang akit nang ding sundalus é la bubulad.
”Nu ya karin ing sarhento?” ngana king tonung mabubuysit ning metung karing guardia Civil. "Migparti na la king alferez?”
Pemanukyat da la mu ring pago bilang pakibat: alang mengabalang sumyasat king kalma ning kalulung babai.
Menatili yang adwang oras karin king biling anti mong luse, makasaksak king metung a suluk, makasalikut a buntuk karing adwang takde, makasalbag a bwak at gutgut. Inyang ugtu ne ing aldo mipabalwan ya ing alferez, at ing mumuna nang depatan ya ing pepayalang ulaga king bintang ning cura.
“Bah! kararaptana'na mu ning malupit a fraile!" at inutus de ing babai ampon penabilin ing paburen da na itang bage.
"Nung buri nang abawi ing mebating,” nganang tinuglung, "yadwa'na kang San Antonio, 6 tumutul ya king nuncio. Sigi na!”
Pauli na niti, i’Sisa pepalakwan de king kwartel, halus panulak da ne uling e ya bisang kimut.
