kakalampag karing e mayayakit a pakpak ding tukituking anino a kayang darala, nung ati’ko king metung
a bale sira at magdili-dili, damdam kong saingsing at
pangisnawang saldak a isipan yung kaluskus ning angin
potang tumud karing mikatas a tore o masisirang pader, dapot katmwan da kong takut at papangilabutan
o yu alalabanan; makanyan, ding penamdama'na nitang
indu lalu la pang makapangablad kesa karetang e pikabalwan a dalung detang benging maging limputan a
nung kapilan bibyung ing bagyu.
Makanyan yang disa'na ning bengi. Mekad ing
banwa pigkaluba'neng mapilan oras ning tudtud kabang ding pakpak nang e mayayakit ning metung a
angel, apisa’ne ing maputla nang lupa, kalisa’na ing
lungkut king kayang katandanan; mekad itang milalung kasakitan e na na agyung idala ning mayna nang
paglaban ning tau, ing Indung Mayupaya mamilatan
ya king mayubu nang panulu, ing pamangalingwan;
nanu man ing mepalyari, yang meakit king tutuking
aldo, i'Sisa maglakad yang makatiman, magkanta o
makipagsalita karing sablang lelangan a kayang atatagpwan.
