tung a saken i'lbarra tulid nang bale ning katipa'na at
magalang neng pigayan i'Padre Salvi a pupunta mu naman
king bale a ita.
E ra no pisasabyan man di Sisa at ding anak na.
Nung manik tamu ngeni king bale nang Maria Clara, metung a sale masaya busal ding dalanghita at ilang-ilang, dasan ta la pa ring adwang kayanakan a makatando king awang tulid ning malating dayatan (Iago). Itang awang papayungan de ring tanaman a mamulaklak at kukulate karing kawayan at alambri. Ing banglu ra sasalbag ning angin.
Ding adwang makatando, misasabi lang malale, malale pa king kaluskus ding bulung at mabanglu pa king amyam a masalimuyak a lilipo king mula. Ita ya ing penandit a nung kapilan la susungo babo ning maputing bula ning malating dayatan ding masaya rang buntuk ding sirena uling kanita ne kukuldas ning gatpanapun ing matuling nang tabing kareng pagumasdan at pugayan king dalit da ing aldo lalbug. Ngara king ding mata ra’t bwak asul la, king makakorona la karing tanaman-danum a magdalang maputi at malutung sampaga. Ngara naman king mamisan-misan lalto ketang mapitong bula ing masanting da bikas a katawan, maputi pa king kabud bula at kakuldas ning bengi magmula nong mamyalungan king danum at damdaman mu itang makapagmulalang tinig a balamu wari lulwal karing kwerdas ding sipa ning Acolia, ngara pa. . . dapot balikan ta la ring adwa tang kayanakan at pakiramdaman tamu ing tawli rang pisabi. Nganang Ibarra kang Maria Clara:
"Bukas galingaldo matupad ing buri mu. Ngening bengi isadya ku ing sabla ban alang magkulang nanu man..."
“Nung makanyan sulatanan ko ring kakaluguran ku ba’lang datang. Dapat kang paralan ba'yang e mituki ing cura...?"
"At baket...?”
"Wa, balamu babantya’na ku. E ko buri detang malalam at matamle nang mata. Potang lawa’na ku mitatakutan ku. Ustung pakisabya'na ku, ing siwala na...ing salita na, e karaniwan, e ku ayntindyan, tutung makayaliwa. Kitang na misan kaku... Balamu mamulang ya. Ing kakaluguran kung Sinang at i’An-
