"Sukulate. . .? Aba ! ba't ali ku. . .! E ra sana pilwatlwating almusal. .
Ing abak maningning ya. Ing danum kikislap ya, at ing aslag a manibatan banwa kagum ning babye na ning danum, susulwa'na ing sabla at lalto ing myayaliwang kule a katulad ning akakit tamu karing larawan a gugulis da.
Ding sabla matula la. Sasangapan daitang marimlang amyam a ume nang lumipo, angga ring pengaring mamwangit mung mamwangi’t mayli la naman at mipamiru.
"Akalingwan mu na. . .?” nganing metung kang Capitana Tika, “akalingwan mu na inyang mandilu tamu king ilug ketang dalaga ta pa . . .? Kabang makatimbulan tamung sapwang-sagin, darala no kekatamu ning agus ding myayaliwang prutas at ding mabanglung bulaklak. Ing balang metung kekatamu magdala yang bandera at kareti makasulat ing lagyu ning sikakatau . .
“At inyang mumuli ta na ikit ta lang sira ring tetekwayan at mepilitan tang mamaltang karing sapa.. . pasari ding malitun. . .?”
"Tutu...!” ngana namang Capitana Tika..., “dapot aku biryan ku pang mabasa ya lalam ing nagwas ku e ra la sana akit ding butit ku uling abibitasa ku king gulut da retang mangalabung a tanaman ating mangalikut a matang magumasid . . . Ding mapilan a dalagang makaramdam kaniti, mayli la't mikikindatan, kabang ding aliwa e ro pansing ketang e mipalabas dang pamipagsalita. Metung ya mung tau ing karin e bubulad at e makiramdam king nanu mang pisasabyan da. Iti ya pin ing karelang pilotu. Metung yang lalaking bibilugin a pamikakatawan at maki aske yang makayaus pansing pauli ring mangaragul at matamle nang mata at detang makapikit nang labi. Ing imalan nang de color a maki gulis pabikas no ring mangasika'nang takde a minasiwas at kinabid karing malapad at mabayat a bagse king pamamumuli’na karing adwang bangka. Apagumasda’nang Maria Clara ing madalas neng lalon at potang akit nang Maria Clara iti bigla yang
