Dapot ing linundag inakmul na ne ning danum at ing bulang memulubuk ya nang gagato king danum.
“Jesus, Jose y Maria. . .!” ngarang mangurus ding matwang babai. “Ala na sang madidisgrasyu. ..! "E ko pu migaganaka, ginang. ..nganing matwang bangkeru, “keti pung mabilug a lalawigan ya mu ing makarapat kanyan. .
“Ninu ya at nanu ya lagyu. . .?” ing kitang da.
“Ikami awsan miyang ‘Ing Pilotu' at ya ing pekamayap diling atuklasan ku dapot e na katula ing kapanintunan a yan. .
Meligogo ing danum, memulubuk at ing baklad kinulug ya. Lalam ning danum ating mipapagkal. Tahimik lang manaya ring sabla at kakarug la salu. Sikmal neng maliswas Ibarra ing pulu ning lasetas a mataram.
Ing labanan lalam danum minakasan at mekabulad linto ya buntuk ing pilotu at seganan deng matulang gulisak kabang ding babai mipatangis la kaya.
Minukyat ya ing pilotu at tatalna’ne ing lubid, at inyang misampa ya kilyut ne iti.
Ing dapu linto ya. Makatali yang pikuius king batal at karing adwa nang bitis a mumuna. Maragul ya anti mo ing sinabi nang Leon. Paltak-paltak ya katawan at king gulut na tinubu na ing berding lumut a nung makananung karing lalaki tutubu naman ing bwak a maputi. Mamyus yang anti mo ing toru at pamaspas ne ing iki na, gagamala’ne ing bakud ning bak lad, at ketang makabukaka nang asbuk mayayakit la ring mangatilus at makaba nang ipan. Yukyat neng dili na ning pilotu ing dapu uling metung man alang mekaisip sumaup kaya.
Kaukyat na king tuklwana’ning baklad, tiklwa'ne ing dapu at karing mangasika'nang takde tinikum ne bunganga at buri neng itali’t ibutnul. Dapot ing dapu migpapasag ya’t migbaluktut at saka ne pispis masikan king iki na ing tuklwanan, ikwa nang mebulus at linundag yang pepasibayu king danum, kilwal ning bakuran at teginis ne ing dinakap kaya. Inukul dang bitasa neng mate kanita ing pilotu inya ring sabla mipagulisak lang masikan.
Anti mong kildap kabilis, katau ya pa ing linundag king danum. Ita i’lbarra. E ya mebungsul i'Maria
