Clara uling kanita e la pa byasang mabubungsul ding
pilipina.
Ikit deng melutu king daya ing alun. Ing anak ning bangkeru linundag ya naman at darala ne ing palang na. Tikya'ne ning pengari na. Inyang lumbug la king danum ya namang pangalto ra i’Crisostomo at ing piloto at sasakmalan de ing dapung mete. Wakwak ya king atyan at king gulunggulunga’na makatarak ya pa ing kutsilyu.
Masakit ilarawan ing tula ra. Ding anggang takde makagong la ba’rong isaka king danum. Ding matwa anti la mong mamulang king saya ra, ngara nang mangurus, ngara nang mangadi. I’Anding melaus nang kelingwan ing sigang nang mekatatlu na mikal at ing sabo miglwal king kaldera at pitda na ing api. I'Maria Clara ya mu kabud ing e makasabi.
I’lbarra e ya ninanu dapot ing pilotu megalus yang bagya king takde.
“Utang ku kekayu ing bye ku. . .” ngana kang Ibarra kabang iti magbalut ya king ulas a lana.
Malungkut ya siwala ing pilotu.
"Masikan kong tutu lub. . . ,” nganang mekibat Ibarra. "E yu na ulitan ita, tutung mapanganib . . .”
"Nung e na ka mibalik.. . . ,” ngana kayang Maria Clara, maputla at gagalgal pa.
“Nung e na ku mibalik at tikyan mu ku. . . ," nganang tinuglung Ibarra, “keta ku man lalam abe ku la rin ding familia ku. .
E na kakalingwan Ibarra king ketang malating dayatan a ita karin de inugse ing pengari na.
Ding mangatwa e no bisang munta pa ketang kadwang baklad at gagawa lang sangkan. Ngara king matas ne ing aldo at pota makatagpu la pang dakal a disgrasya.
“Uli namu ning e ta sinimba. . .?” nganang sisitsit ning metung.
“Nanu wari ing disgrasyang amanwan yu. . .? " nganang Ibarra karing babai. “Ing dapu ya ing medisgrasya...
"At yan ing buri nang sabyan,” nganang milud ning magpari, "king yang dapung yan e pa sinimba
