pang ning sapa tutubu la ring tanaman kakewan á
makibulaklak á ala pang lagyu dapot pagdatunan
da na ring mangalating ayup-ayupan (insectos), ding
mariposang myayaliwa kule at dagul. Ati'nang asul,
gintu, maputi at matuling, maki paltak a kikinang anti
mong esmeralda, rubi karing mangasanting dang pakpak
ampon ding é mabilang-bilang a salagintung maki
maslag á pakpak. Ing byung da retang ayup-ayupan at
lagikgik ning kuliglig a mangabala aldo’t bengi patina
ing dalit ding ayup o ing lagutuk ding mangapakling
malanging dutung á mangasangal misusumangid ila
mu ring babye alinlangan ketang maratun at pangilagan
dang lugal.
Malambat ya ring tutuntun ketang masukal á daklat uling pangilaga'no ring suksuk a sasabit king abitu nang ginggun, ding makalwal dang yamut á maragul ding dutung a malyaring pitakiran da ring é sane maglakad king pulu. Mipatigil yang bigla. Dimdam na ing masiglang sagakgak at siwalang matarling at iti manibatan king pupuntala’nang sapa at lalapit kaya.
"Lon ku nung akung manakit king sale,” ngana ning metung a mayumung siwalang kakilala nang Padre Salvi. "Buri kung akit nung nu ya munta, ita sanang e na ku akit ba’keng atukyan nu ya man munta..
Sinalikut ya i'Padre Salvi king gulut ning metung a dutung a maragul at mekiramdam ya.
"Ing buri mung sabyan banten mya naman nung makananu na kang babanten ning cura?" ing pakibat ning metung a masayang siwala. "Mimingat ka uling ing pangalalu makayayat at makapangaslak mata...!”
"Ali, ali, e pangalalu, pamagumasid mu.. .ngana ning siwalang matarling kabang ing kayabe nang sasagakgak nganang pipilit: "Wa, pangalalu, pangalalu pin...I"
"O nung mangalalu ku, lugal a salikut ku ya sana ing pasalikutan ku ba’reng e akit ding aliwa.. .”
"O ika man me akakit at e masanting yan. Maya'pa nung ikatang makatuklas king sale, iregalu te king cura ban keta ya na ing magbante kekata at e te akakit, é masanting ita. . .?” "Aku e ku maniwala kareng sale ring kandangangu, ngana ning aliwang siwala. "Nung akung ma-
