o, a bukud mung pagtawli at anti mo ing king espanyol,
vocal a pilata’ning o, at u; anti mo itamu, ing egipcio
ala ya naman tutung katning e; mayayakit la kaniti
ring kekatamung ha ampon ing kekatamung kha a yala
king alpabetong latin anti mo nung makananu yang
gagamitan tamu king espanyol. Alimbawa: ketang
amanung mukha" — nganang tutuldu king libru —
"gagawan ke ing silabang ha lalung makabage keting
larawa'ning asan kesa king h latin, a e milupalupa
pangayagkas Europa. Para king siwalang e makaing masikan,
alimbawa, keting amanung hain, nung nu ing h kulang ya
katni, gagamitan ke iting katawa'ning leon, o
reting atlung bulaklak ning loto agpang king bayat ning
vocal. At maigit pa, atin ku king siwalang daralan king
arung a e mu naman makalto king alpabetong latin a
espanyolisado. Yulit ku ing nung e mu ing sakit ning
pamigulis larawan a dapat marapat alang mali, malyari
nong gamitan ding geroglifico, dapot iti kabud
kasakitan pipilita’na kung maging matipid ampon e
na misulat nune na mu ketang sukat at kaylangan; subali pa
king iting dapat dirina’na kung kayabe, potang ding
dalo kung ibat Tsina ampon Hapon mako na la.”
"Makanano?”
"E yo daramdaman? Ding dalo ku ila ring sibad; ngening banwang iti kulang lang metung; malyaring ing metung a marok a yanak isik o hapon arakap ne.” "Makananu yung balung manibatan la karin balen a rera?”
"Mayan: Mapilan banwa, bayu la mako, tatali ko karing bitis da ring papel a maki lagyu ning Pilipinas king ingles, uling ukulan kung e la mako marayu, at pauli ning ing ingles mapipisabi karing halus sabla kareting dane. King pilan banwa ing kakung papilito e mika pakibat, angga king tawli sinulat ku king isik, at kaniti king bula'ning Nobyembre migbalik lang ating daralang aliwang papilitong abasa ku: ing metung misulat ya king isik at ita ata yang menibat karing pampang ning Hoang-ho, at itang metung king balak ning isik a kitnan ku, dapat yang hapon. Dapot lilimbang da kayu kareting bage at e ku kitang kekayu nung makananu ra kong asuywan.”
"Dinatang ku ban pakisabyan da ko dikil king metung a bage maulaga . . . ngana ning bayntau ; "napung gatpanapun...”
