lawat lang matalik king gabun, bayu ya misane king
sablang makapatulug kaya at mika ganap a kabyayan
king dagul na at katas. Makanyan kong misaldak...
tanaman a menibat Europa at mitanam keting mabatung
marangle nung e ko manintun kasaup at e ko
magbaba. Ati'ko karing marok a pamikatagun, magdilidili,
matas: ing gabun mabuya at king banwa mamuk ing bagyu at
ing taluktuk ning dutung ning kekong sapni mebitasang
katugpa'ne ning kildap. E tepangan, nune kabugasukan ing
makilaban magdilidili king sabla; alang mamalsala king
piloto nung magkubli ya king metung a sadsaran king mumuna nang
sapul ning alisus. Ing duku ngening daratang ya ing
balas e telotyan; ing marok ya itang saganan ya iti
ba’kang miragsa at e na talakad pasibayu.”
"Dapot iting pamagpakasakit ipalto no kaya ring bungang panenayan ko. . .?" nganang kinutang Ibarra "Meniwala ya kaya kaku at kalingwa’na kaya ning pari ing kaplas nang lob? Saupan da ku kayang tutwanan ngening nais kung sumala la mata ring kalahi king pamanuru karela at maging kaligligan do ring kumbintu king pibandya’ning balen? E la kaya magkanwaring kakaluguran, pakit kapagmasakit, at lalam king dalumdum; sangalangan da, pakisiran da at sumugat king gulut ba'reng malagwang apayna ing kalaban da kesa ketang pakibnuan deng arapan? Pauli ring sablang sinabi yu kaku ing sabla malyaring maging tutu!”
Ing matwa menatili yang tahimik at e mekapakibat. Mibalak yang mapilan saglit at nganang minyabi:
"Nung ita ya ing malyari, nung ing tangka yu mipahamak, mitagan pa mu rin kekayu ing tula pauJi ning depatan yu ing sablang agyu yu at agyang makanyan mu atin mu ring pakinabang: binili ye mg mumunang batu at tinanam kayu; at kaybat nang sinapul ning bagyu, mekad atin pang kabutil a mitagan a e na alugmuk ning sakuna, miligtas ya ing bini king kasiran at tumubu ya kaybat para karing sapni ning mete menanaman. Ing alimbawa malyari nong pasiknangan a lub ding aliwang tatakut mung magmula.”
Binalak nong Ibarra deting sangkan, ikit na ing bili na at layun alaluse king kambe naman ning maragul nang pamigaganaka ning matwa atin yang maragul a katuliran.
