“Paniwalan da kayu!” nganang minyabing tinalan king gamat ning matwa. “E sayang ing pamunta ku kekayung magdulap mayap a usuk. Ngeni kabud munta ku at makipagtapatan king cura, at babo ning sabla ala nemang depatan a marok kaku at mekad mayap ya, pablasang e ring sabla kalupa ro ring menganyaya king kakung ibpa. Subali pa kaniti, sukat kung adwan ing saup na ketang kalulung babaing mamulang ampon ding kayang anak: manalig ku king Dyos ampon karing tau!”
Memun ya king matwa, sekya’ne ing kabayu na at melaus neng meko.
“Alben tamu. ..!"’ nganang bubulung ning mapigaganakang matwa kabang tutukya’ne karing panimanmana; pagumasdan tamung mayap nung makananu neng ilala ning kalma ing pyalben a migmula king kutkutan.”
Kaniti talagang migkamali ya: ing pyalben malar bat neng mipagmulan bayu pa kanita.
