Mayumu yang tutu itang penandit a pamikit da
ila ning maging manuyang na. Pisabi re ing eskwela.
Buri nang Capitan Tiago pamalagiwan deng San Francisco
ing eskwela.
"Maniwala ka kaku,” ngana, "i’San Francisco metung yang patulunan a mebinang mayap! Nung awsan meng eskwela ning Instruction Primaria, ala kang nabangnan kanita. Ninu ing Instruction Primaria?”
Dinatang la ring mapilan nang kakaluguran Maria Clara at inagkat deng migpasyal.
"Dapot magbalik ka sang agad,” ngana inyang lumapit yang manyawad tulut. “Balu mu pin keti ya mapun i’Padre Damaso a karatang-datang pamu. ..”
Inarapa'ne i'lbarrang migugunam at nganang tinuglung:
“Keti na ka mapun, keta kekayu ikang dili. .
“Dakal pung salamat. Matula ku pin sana dapot malyaring ating datang a bisita...! nganang mekibat mayna at pengilapa’na ing lawe nang Marfa Clara.
"Dalan mo keti ring kekang dalo,” nganang palage lub Capitan Tiago. "King pibalebale ku labis-labis ing pamangan... Subali pa, buri ku mipagkasalese kong Padre Damaso . .
"Atin pung panaun para kanita.. .!” nganang mekibat.
Tinipa no ring mikaluguran.
I’Maria Clara pilibudtan de ri Victoria at Iday at i’Tya Isabel naman tinuki ya kagulutan da.
Ding atyu karin magalang dong pepalabasan I’Maria Clara melagu yang lalu. Nung tutu mang de tang mata na, mata lang putla myalilan king lare ning tula. Itang ganaka na ning masayang dalaga yang panyalubung na karing sadya nang kakilala ibat pa king malati ya. Deng kakalugura'nang den ila ngeni ring magmulala king sagiwa't mabanglu nang kayanakan. King sinaguling panaun mibalik pepasibayu kaya ing palage nang pilubluban at itang alang kamalit-malit nang pamakipagsalita a balamu tinakas kaya inyang atyu kilub detang batu ning kumbintu, atyu ngan ngeni kaya. Kawangis ne wari ning mariposang bayu pamung misapwak at limpad-limpad makikabalu karing bulaklak. King dit’nang pali ning aldo mika diwa ne at sika-
