nan ban mag-aske nang tune mariposa. Ing bayu nang
bye makalarawan king mabilug nang pangatau. Ing
sabla masanting at maningning ngan kaya. Ing panamdam
nang malinis e na balu ing makabalatkayung panugali
pablasang itang kaysipa’na salamin yang alang
musing. Makanyan man, papampana’neng abaniku ing
lupa na ngening tutukswan de, dapot detang mata na
gugulisak da ing daramdama’nang kaligayan king bye
na.
Migmula lang mesala ring bale at karing dalan a lilibutan da ring musikus, misalaing la ring suluging pupuntukan da ring posting kwayan at dutung, a pakilupa ra karing sulu ning pisamban.
Manibat karing dalan, pauli ra ring pakabukakang awang, atiglapan mo ring bisitang magsaya karing sibabale busal nitang sala at banglu ra ring sampaga. Sasalbag ning angin itang sunatang manibatan king pyanu, alpa o kaya orkesta. Salasalubung la karing dalan ding intsik, kastila at pilipinu. Deting tawli nung e la makasulud ganing eurupeu, maka-imalan la king gani ning lahi. Sapak lang tau ring dalan. Ding utusan a balabalangi, misisikingkilan, mitutulakan, magdala lang babi, manuk. Ati'nang magaral a makapiblas lubus maputi, babai’t lalaki, at e ra pigaganakan ing maparalis karing awtu at kalesang lalabas bista'man daramdaman da ing mamatlawe rang gulisak a tabe ring kutseru.
Tulid nang bale Capitan Basilio, ding mapilan a bayntaung makatando pigayan da la't pasalangyan ding magpasyal. Ing masigla nang siwalang Sinang a pupulaying tinipa sebat na ing nanu mang malyari rang gawan sangkan ban e la malaus.
"Manik ko saguli, at kaybat tuki kung magpasyal kekayu,” ngana. “Mainip kung makasalamuha karing taung e ku kakilala a ala nang pisasabyan nune na mu sabung at sugal.”
Menik la. Dakal a tau. Ding mapilan seganan de i’lbarra uling pikabalwan ya lagyu. Pagmulalan da ring sabla ing legwa'nang Marfa Clara at ding matwang mamama ngarang misisitsitan: "Balamu ing Virgen...!”
King bale nang Capitan Basilio minum lang tsokolate. Meging kakaluguran neng matalik at talapanlwa-
