tunis angga king batal, sapatus a malwalas at ing sadya
nang pyeltrung kupyang malapad a kule abu.
"Balamu lalu kong malungkut ngeni kesa neng sadya-sadya.. .ngana ning Tininti Mayul kaya. "E ko bisang magsaya misan-misan mu man anti ning dakal tamu tutung tatangisan. . .?”
"Ing pamagsaya e na buring sabyan ing dapat kang kamulangan 1” nganang mekibat ning matwa. "Banwa-banwa daraptan da yang alang kapakanan at milalalung pamagsaya. At yan, ba’t mo? Lalasawan do ring salapi kabang daka’lang tutu ring magkakasakit at dakal ing tune kaministilan. Balu mo? Daraptan da iting lalabis a pamagsaya, iting alang kapakanan a sigla ba’rang ilumud ing makalunus a daing ding malda!”
"Anti mo ing kamalayan yu pin, nanayun ku king pamalak yu,” nganang Don Filipo at timan-timan ya. "At nanu mo ing arapat ku laban king gobernadorcilyo at laban king cura.. .?”
"Magkalag ka king katungkulan mu . . .!” nganing pilosopo at saka ne ginulut.
Mipatingagas ya i’Don Filipo at tikya'ne king panimanma’na ing matwa.
"Magkalag king tungkul!” nganang bubulung papunta king pisamban. “Magkalag! Wa! nung iting tungkul metung a dangalan at e pabayat, wa, magkalag ku!”
Ing patyu ning pisamban mitmu yang tau: lalaki at babai, anak at matwa, makapiblas king palalung masanting dang gani, samug-samug la, lulub at lulwal karing mangalapad a pasbul. Babaung ubat, bulaklak, insyenso, pabanglu, bomba, kwitis, at karing managal a susulsulan dang pupulayi at pagulisak karing babai, pakayli naman karing anak. Ing metung a bandang musikus manigtigan ya arap ning kumbintu, ing metung magbanda ya king munisipyu, ding aliwa lilibutan do ring dalan a nung nu la sulasulapo at magyuyu ring myayaliwang bandera. Ing sala ampon ing kule myayaliwa, lilimbang na ing panlalawe, ing tigtigan ampon ing akbung lilimbang na ing panamdam. Ding kumpana ala lang tugut magdupikal; mibalabalangi la ring awtu ampon kalesa at ding kabayu mangasdan la, mu-
