I'lbarra mebalisa ya; miglalawe ya makapatulug kaya, manintun yang metung a suluk, dapot ing pisamban mitmu yang tau. I’Maria Clara ala yang darandaman at alang akakit uling pagumasda'ne ing larawan ding nuan a kaladwa king purgatoryo, kaladwang aske lalaki at babai a pakapiblas mung balat, maka gorang malutu, maka kapa o toga, mananangnang king api at mangalawat king kuldu'nang San Francisco a e mapapatlud bista man misna lang kabayat ding kea makapabayat.
Ing prayleng peka espfritu santong babasa king aral, pauli ning pamaglwal ning manaral ketang talagang makasulat, melili ya king kayang pamamasa king aral at miglakto atlung makabang parapo, inapunta neng mali i'Padre Damaso a ketang penandit paynawang susunga king kayang pamangamanu.
"Ninu kekayung makasalanan a makirandam kaku ing dumilat karing sugat ning metung a kalulu basanbasanan at magpalimus? Ninu? Makibat ya at itas ne ing kayang gamat! Ala! Balu ku na: bukud mung ing metung a banal a anti mo i'Diego de Alcala ya mu ing makarapat; ya dinilat na ing anggang buluk at nganang manyabi king metung a magmulalang kapatad: Makanyan yang ulwan ining masakit! Oh kalam kristyano ! Oh kabanalan a alang katulad! Oh kayapan ding sablang kayapan ! Oh alimbawang e malyaring mioarisan I Oh malang alang nanu mang dusing . . .!
At sindu na ing pamanyabi nang misnang kainge, ngana nong pikurusan ding gamat, itas a ibaba anti mong bisa yang sulagpo 6 pamatakuta’no ring ayup.
“Bayu ya mete minyabi yang latin bista’t e byasang latin! Magmulala kayu, makasalanan! Ikayu, bista't pagaralan yu at king uli na mangabarug kayu, e ko makapanyabing latin, mangamate kayung e makapanyabi kaniti! Ing manyabing latin metung a kalam ning Dyos, uli niti ing pisamban manyabi yang latin! Aku man manyabi kung latin! Makanano? Pagkait ning Dyos iting tula king kalugura'nang Diego? Malyari yang mate, malyaring paburya'neng mate e manyabing latin? E malyari! Ing Dyos é.kasi é matuled, e kasi eéya Dyos ! Uli nita minyabi yang latin at kanita saksi la ring talasulat nitang panaun!” At inari na ing kayang pamanaral king mitmung pamagkakasakit at lipa'ne pa ing Ginung Sinibaldo de Mas, metung a maragul a talasulat.
