At anti na ning akakit nong pakakabat ding pasbul, linwal yang dinalan king sakristya king maragul dang kasbu ring tau ampon ing manaral a manimutla at tinuknang Fibutad ning metung a pangamanu: ding mapilan penenaya re ing metung a masangil a panagkas, dapot ing Padre Damaso menagyu nya mung tikya’ne king kayang paglalawe at sindu ne ing kayang panaral.
Mengabugnus la ring sumpa laban king panaun, laban king kealan galang, king lalto kealan panyalpantaya. Iting pisasabyan balamu ya ing lalu nang gamat uling linto yang madiwa at mangamanu yang maki beyatan at masala. Minyabi ya dikil karing makasalanan a é magkumpisal mangamate karing sukulan ala karing kalam ning relihyon, ibat karing sapning mangarok, karing mangalating mestisong mapagmaragul at mayabang, karing kayanakan a magbibyasa, karing magpipilosopo ó pilosopong mamulang, karing mag-a-abogadu, karing musmus a mamagaral, at aliwa pa. Pikabalwan ing ugali ring dakal potang buri rong pagsisti ring karelang kasalang: patuki re karing sabla ing pagsepung illo karing amanu, pablasang ing buntuk balamu ala neng aibye aliwa pang bage at kaniti manatili lang misnang katula.
I'lbarra darandama'na ngan at talus na ing kapupuntan ding salita. Manatiling anti mong misnang katahimikan, panintuna’ne karing mata na ing Dyos ampon ding makyupaya, dapot karing ala nune mu ring larawan ding santu, at ing Alkalde matudtud ya..
Kabang makanyan, ing diwa ning manaral tunggal ditak mitatas. Manyabi ya karing matwang panaun a nung kapilan ding sablang pilipinu, potang asaganan de ing metung a pari, mamuge la, sisiklaud de ing metung a tud king gabun at uman de gamat. "Dapot ngeni”, nganang tutuglung, "lalako yu nya mu ing salakut o ing kupyang kastorilyo a susulud yung makakiling bagya king kekong buntuk ban é ya magulu pangasukle ing bwak! Managyu namung sabyan yung: mayap a aldo, among 1 At ating mapagmaragul a bayung magaral ditak a latin, pauli na ning megara'la Menila ó karin Europa isipan dang atin lang matulid talnan da na kami mu gamat king karina'ning uman da la ... Ah! ing aldo ning pamanatul saguli nang datang, ing yatu mapupupus ne, daka'lang banal ding minuH, muran apf, batu ampon abu ban parusan ing kesyasan yu lub!”
