Ing lalaking dilo tipara’na ing amanu na. E ya mu
malating makinang pamwat ing telakad na babo ning
kulkul ba’reng akuldas ing metung a maragul a batung
masyas. E ya mu kasangkapan a maki atlu bitis anti mo
ing buri nang ipagawang Ñor Juan a nung nu ya malyaring
ibitin ing maragul a lubid potang kukuldas de
ing bara, migit ya kaniti. Subali king makina ya ing
megawa nune pa naman metung yang panagawla, maragul at
pagmulalan a panagawla.
Maygit walung metru king katas, makanyan ya iting makinang magamit. Apat lang makapal a posti ring kitkut da king gabun anti mong balangkas at king balang metung kareti makapaku ya karing mangaragul a tabla a pidugtungan da ring mangaragul a paku a makakutkut mung kapitna king uli ning sangkan a ring aparatu o makina megawa lang pansamantala at kaniti malagwa lang kalagan. Mangaragul a alambri igutan da ring posti misusumangid at iti patunaya'na ing matigit ya at maragul. Babo na niti pakaladlad la ring myayaliwa kule bandera, susulapo tangke tanaman a kukulate at mangaragul a bulaklak a maki panagawlang bulung.
Keta babo ketang lilung da ring posti, ^ulaklak at bandera makabitin la karing lubid gantsung bakal metung yang polea a maki atlung dugang a nung nu la lalabas ding atlung lalu pang maragul a lubid bakal at deti ilang magdala king pakung masyas a maki kulkul libutad a kasindagul na nitang kulkul ning batung ati’na keta lalam at iting kulkul ya ing misikap king kasulatan king istorya anti mo ring pahayagan, mg sinulat gamat, kwalta, medalya at aliwa pang katulad niti kapagnasan dang ilikas angga na king tutuking
