dapot mapalyari iti nung isipan tamu itang bili ra
detang melalang a reta a e ku buri mang awsan tau.
Ketang minunang panaun a ita (makanyan ing kapaniwalan da)
retang melalang a reta yang kakabalu ra
ing Miglalang tiling atin lang paring pekakatawa’na,
melalang a makayaliwa karing malda a awsan dang
M.R.P. Fr. a nung kaysanu ding kekatang byasa myayaliwa
la pamalak. Agpang king karaniwan a guru ning
kekatang salita a e migit king dinalan ing balu nang
salita ning milabas ding letrang M.R.P. mangabaldudan
lang taung dakal a pibandyan (Muy Rico Propietario) at
deting paring deti anti la mong Dyos, malinis, matimbang
manalumpati, byasa at bista man maragul ing upaya ra at
tutu lang pikabalwan e la darapat king pelalung malating
pamikasala at iti yang patibe king kapaniwalan king tau
lang makayaliwa kesa karing malda. At nung iti é pa sapat
gawan kung dalerayan king kakung pamalak malyari ku pang sabyan
at ini e pa mepalyari mine bagkus mipatunayan aldoIdo
king detang mahiwagang melalang a reta apakuldasan
de keti sulip ing Dyos king kapamilata’na mu ning
inapilan a amanu, king ing Dyos e makapagsalita nung
e dumalan king asbuk da reti at deti kakanan de, inuman
de dava at madalas papakan dya naman karing
taung malda."
Iti at ing aliwa pang bage sasabya’na ning é maniwalang pilosopo king iti ya ing sabyan da ring mangarawak nang tau ning payntungul. Mapalyaring i'Matwang Tasio magkamali ya at iti e masakit, dapot isulung ta ing salita.
Karing dalungdung a ikit tamu nakadwa na luluga’la ning guru at ding magaral ngeni misasadya lang almusal, manyaman at dakal. Makanyan man, ketang dulang a makasadya karing anak a magaral alang makasadyang boting alak dapot dakal a prutas. Karing anggang mitataid karetang adwang dalungdung kari'no man ding luklukan da ring musikus at ing metung a makabang mesa mitmung mayumu at putu, praskung maki inuman, a maki panagawlang bulung at bulaklak para kenu mang bisang minum.
Ing guru ning pipagaralan pepatalakad yang posting maki taba, lundagan, pepasabit yang sartin at kasirola ba’lang ating masayang pyalungan ding anak.
